منتديات قبائل شمران الرسمية - الموت هين والبلى وش ورا الموت

- المنقولات الأدبية (http://vb.shmran.net/forumdisplay.php?f=153)

- - الموت هين والبلى وش ورا الموت (http://vb.shmran.net/showthread.php?t=74971)

الموت هين والبلى وش ورا الموت

الموت هين والبلى وش ورا الموت
عند الحساب يهون سهم المنايا

باكر نموت وتصبح قبورنا بيوت
وعقب القصور لضيقات الزوايا

في جوف الأرض وكل من حولنا سكوت
وتعاقبن بالقبر عوج الحنايا

يارب يامنجي نبيك من الحوت
سترك وعفوك يوم كشف الغطايا

باكر ليا جينا على داعي الصوت
شيبان واطفال وشباب وصبايا

ندعى وحنا بين باكي ومبهوت
رحنا لها ننقاد مثل السبايا

يارب تهديني قبل لحظة الموت
وتغفر ذنوبي ياكريم العطايا

أشكيك هم داخل الصدر مكبوت
وايامي اللي بالخطايا ملايا

ان لاذ بك من كان ضايع ومبهوت
في من يلوذ المرتكب للخطايا

يارب ياقادر على كل طاغوت
لاياقف اللي وحدوبك خزايا

رحماك لامنا صحينا من الموت
واليا وقفنا عند بابك عرايا

سعد بن الهماش العاصمي