راكب اللي كنها البرق في عرض النصوب
 

راكب اللي كنها البرق في عرض النصوب
دارب مسـري الليالـي عليـه معلـمـه

بكرة كن خف يدها علي الزور مغضـوب
لاعقلها اللـي عسيفـه مهيـب مخزومـه

وان تساوت واستعدت لها وصف عجـوب
كنها تدي القسـم عنـد قاضـي المحكمـه

وان جذب ركابها الصوت باسلوب عذوب
أزجلت مـا كنهـا الاهنـوف مخمرمـه

وكنها قشع تزبر علـي صـدر الجـذوب
لاخذت في صحصح البيد سـك ودرهمـه

ما شريناها من السوق من جيـز الجلـوب
من سلايل جيـش جـدي ذلـول مكرمـه

تنحر اللي كل مـا تبـت عيـا لايتـوب
صاحـب اغليـه جـدا وعـزه واحشمـه

صاحب مـن لابـة مايهابـون الحـروب
بني هاجـر فخرالامجـاد كفـو الملحمـه

مثل ما تجمع شبابـه عتيبـه والحـروب
بينـنـا حـلـف وعهود وعقود مبـرمـه

كان يا سلطان ناسيه وصياحـك طنـوب
مرحبـا بـك وانتبـه والـدروب ملغمـه

والجفا من بين الاصحاب يالصاحب مهوب
عيب لكن غيـره العيـب ياللـي تفهمـه

والصداقة كنز ما هيب تسمل سمل ثـوب
وللصديق ان صار ما صارمـاذوق لحمـه

له علي ان حده الوقت في الشدات انـوب
ولـي عليـه الياكرهصاحبـه لا يظلمـه

والرجل لاصار بيته حجر والسور طـوب
ماعليـه مـن المنافـق ليـا رزاعلـمـه

عادني من دون روحي ليا شبـت شبـوب
والاكـم وكـم دهانـي رمـوز مبهـمـه

وكم نواني من الاصحاب دجـال لعـوب
يبغي ياخذ خيرة ابلي وانا خـذت غنمـه

ومعرفة بعض الاصاحيب ذنب من الذنوب
علـة مـن علتـه اووف يامثقـل دمـه

علته ما هيـب تنشـاف بالميكروسكـوب
ودك احيانـا ليـا طـال صوتـه تكتمـه

والرجل لاصار شيخ عزيـز ومحسـوب
اسـتـون زلةلسـانـه وزلات قـدمــه

ايه ياسلطان والنـاس غالـب ومغلـوب
والاعادي مـن تحكـا حثينـا فـي فمـه



ضيدان بن قضعان

رد: راكب اللي كنها البرق في عرض النصوب
 

رد: راكب اللي كنها البرق في عرض النصوب
 

اهلين بالغالية ريحانة شمران
منوره بمرورك الرائع والمميز
كُل الموده والتقدير لاعدمتك

رد: راكب اللي كنها البرق في عرض النصوب
 

رد: راكب اللي كنها البرق في عرض النصوب
 

الغاليه أنفاس الحب
أشكرك لتعقيبك الرائع والمميز
كُل الموده والتقدير لاعدمتك

رد: راكب اللي كنها البرق في عرض النصوب