منتديات قبائل شمران الرسمية - بيوم تأسيس الوطن نذكر اللي اسسوه 🇸🇦

- بـوح الـقـصيد للشعراء الأعضاء (http://vb.shmran.net/forumdisplay.php?f=7)

بيوم تأسيس الوطن نذكر اللي اسسوه 🇸🇦

بيوم تأسيس الوطن نذكر اللي اسسوه

الشاعر/ عطاالله بن سليمان العطاالله

وندعي المولى لهم في فراديس الجنان

أسسوا موطن وفا ثم بانفسهم حموه

أسسوا موطن كرم ينعم بامن وآمان

أسسوا اغلى وطن بالسيوف ووحدوه

واعتلوا به لين اصبح بهم رفيع شان

وصار فيهم قبلة الكون والمجد اعتلوه

وفيهم اضحت كلمته للدول عهد وضمان

ثم تسلسل حكمهم والوطن فوق رفعوه

لين حلق في سما المجد واصبح له مكان

من مثل حكامنا بكل درب قد مشوه

عدل وجود وتحكيم شرع واتزان

لين وصل الحكم للي به المدح كتبوه

سيدي سلمان من يعتزي به مايهان

سيدي سلمان في صفحة المجد ذكروه

هو ذرانا وذخرنا كان وجه الدهر شان

وله ولي عهد على الحزم شعبه بايعوه

بمدحه الشعر يتحير بعد عز البيان

بظل سيفه نام شعب بمجده مجدوه

مرغدين بالامن من تبوك الى عمان

ومكرماته كنها مزن وسم خايلوه

ووالله انه غيث شعبه بمدات سمان

حيثهم اذا استضاق الدهر فيهم لقوه

وصاروا لطيبه ومداته شهودٍ عيان

والضيوف اللي بعد في بلدنا قدسوه

حيثهم يدرون ان ضيف عزه مايهان

مدته تغني وكل العرب فيها شكروه

وهيبته تجعل عدوه بحسره وامتحان

والعدا أما العدا لو تناسوا مانسوه

بطشته خلت معادينه بدرب الهوان

وكل حكام الدول لاتكلم ايدوه

وله يحفظون القدر والرضا والامتنان

وارث طيبه من الجد الاول ومن ابوه

وكاسب مجده من الفعل والطيب معان

ويحفظ الله موطن العز ورجال فدوه

بغالي الانفس وهو حبهم واعظم كيان

موطن يعز شعبه وينصر من نصوه

موطن يفخر به الكون ويطيب الزمان

موطن يفخر بعزه وعز اللي حكموه

الملوك اللي لهم مجد واوصاف حسان
***********