ساكنه قلبي لوحدك وانشِدي


نبض قلبي كان ما انتي داريه
حبك بقلبي على ما تعهدي


ما تغيره الحياه الفانيه
في وصوفك مدري من وين ابتدي


تعشقك حتى النجوم العاليه
يا ادعج العينين يا الخد الندي


يا ندى ورد الغصون الدانيه
يا الفريده يا الجمال العسجدي


إنتي نبض القلب وانتي الغاليه
مسكنك قلبي تعالي واقعدي


يا دواء كل الجروح الداميه
في سما حبي مثل نجم الجدي


وشوفة عيونك تجيب العافيه
من عرفتك ما اهتنيت بمرقدي


ساهره عيني وعينك غافيه
عن عيوني يا الغلا لا تبعدي


شوفتك تروي القلوب الضاميه
ما سوى حبك مناي ومقصدي


وبسمة شفاتك وعينك راضيه
قد عطيت الحب من قلب اجودي


صادقٍ لاهل القلوب الوافيه
الهوى يا منيتي ما هو في يدِي


سنة الله في المحبه ماضيه
أدعي الله في حياتك تسعدي


لا ابتسم ثغرك تراها كافيه