الثعبان الأعمى
 

يقول ابن عياد وإن بات ليله
ماني بمسكينٍ همومه تشايله

أنا ليا ضاقت عليه تفرجت
يرزقني اللي ما تعدد فضايله

يرزقني رزاق الحيايا بحجرها
لا خايلت برقٍ ولا هي بحايله

ترى رزق غيري يا ملا ما ينولني
ورزقي يجي لو كل حيٍ يحايله

جميع ما حشنا ندور به الثنا
وما راح منا عاضنا الله بدايله

نوبٍ نحوش الفود من ديرة العدا
ونخزز اللي ذاهباتٍ عدايله

خزٍ بالأيدي ما دفعنا به الثمن
ثمنها الدمي بمطارد الخيل سايله

مع لابةٍ فرسان ننطح بها العدا
كم طامعٍ جانا غنمنا زمايله

نكسب بهم عزٍ وننزل بهم الخطر
ولا هيب من قفرٍ رعينا مسايله


حجرف بن عياد الذويبي