منتديات قبائل شمران الرسمية - ضايق البال مايستانس لحاله

ضايق البال مايستانس لحاله
وانت لاغبت عني كني لحالي

جتك الاشواق رجلية وخياله
غير الاول تحمل شوقي التالي

ليت من قال متعب خابت آماله
شاف بعيونك الخدرات منزالي

واحد فيك ماهو منشغل باله
اشهد انه بها الدنيا هو السالي

راوي العود يزهالك وتزهاله
عاد مايقدر يلومه ليا مالي

صاحبي والقصايد فيك مختاله
وانت لك حق فيهن يوم تختالي

دام نفسك لحب الشعر مياله
ليه ماصير شاعر وانت في بالي

من تمناك لاتنشد عن احواله
كيف عقب العسل يستطعم الحالي

عقبك النفس مذعورة ومهتاله
سود الايام هزت برجي العالي

لكن القلب من يمك على حاله
في تناسيك ليه اكذب على حالي

قلت لك نعمة النسيان زواله
ذكرياتك بعضها قام يبرالي

كل مامرني طيفك على فاله
قلت يامرحبا في ريحة الغالي

شلت همك وهمي ماحدن شاله
كن قلبك غدى ياصاحبي خالي

ابتعدنا وكلن راح في حاله
بين هالناس لكن كني لحالي

متعب التركي