سقاك الله يا يوم التلاقي
 

سقاك الله يا يوم التلاقي
على سيف الغرام اللي مشيته

صحيح اني تجرعت الفراقي
لكن الله واكبر لا طريته

مع اللي مايخون بالوثاقي
هذاك اللي دعاني مادعيته

يحن القلب ويزيد اشتياقي
على الليل الطويل اللي سريته

احبه موت لو الجرح باقي
كثر ماني على بعده بكيته

وعليك الله من باب احتراقي
اغنيها اليا مريت بيته

احايل خاطري وكسور ساقي
على فرقاه لو اني بغيته

وسقاك الله يا يوم التلاقي
على سيف الغرام اللي مشيته

محمد صالح