منتديات قبائل شمران الرسمية - الله على الأيام وشلون سـوت

الله على الأيام وشلون سـوت
إلين خلتني مثل ما أنت شايف

كم فاتت اللي كـان ماتنتفـوت
وأنا عليها من الشفاقة مهايف

مانيب مقطوع الرجاء لي تغوت
ولا راجيآ غيرة ولانيب خايف

واللي على صكات بقعاء تقوت
قدهي تشوف إن الثقيلة خفايف

عندي لها غير المصوت مصوت
ليا كلحت لنياب فوق الشفايف

تومي بها صملاتنا ليـا تنـوت
عاداتنا مانحتـزم بالحسايـف

نعرف نحل حبالها ليـا تلـوت
ونقودها قود الرسن للعسايف

بريك بن مسعود ال دمنان اليامي