منتديات قبائل شمران الرسمية - يالله ياللي كلنا له عبيدي

يالله ياللي كلنا له عبيدي
يامن له الدنيا وخلقه ترجاه

ارحم لمن صارت دموعه بديدي
واحيا جروحٍ جعل أبا الجود يشفاه

من يوم جاب الخط ساعي البريدي
قمت اتعبر يوم جيت أتملاه

كلٍ تعيد والسقم صار عيدي
خط الندم يا ليتنا ما قريناه

يا تل قلبي تل غرب المعيدي
من شاف حالي قال ذا الحال وش جاه

غديت أنا يابو محمد وحيدي
واحن وأبكي لين جا الليل بضواه

ولو كان لي من فضل ربي عضيدي
ماهوب مثله جعل أبا الجود يجزاه

عبدالرحمن صفيان