كان للخطّر علاقه وللود إرتباط
 

كان للخطّر علاقه وللود إرتباط
‏بإنصرام الصيف والبرق والما والرعد

‏يالله بنَشوٍ من اليوم لآواخر شباط
‏فوق دار أهل الهوى يستريح ويستعد

‏الجروح أنواع وآلذّها اللي ما يخاط
‏غير في شوف المخاييل صادقة الوعد

‏تنهشم لين المواليف والسبع البساط
‏ما يميّزها من يشوفها قبل وبعد

‏المدى ماهو بمن روس الأحرف للنقاط
‏يا مشارق بيض الايّام وليال السّعد

‏هذا أنا في ظل قلة دواعي الإنبساط
‏كل يومين أقرب من النهايه وأبتعد

‏قلبي لطرد المقفّين ما عنده نشاط
‏ودمعي لتقليب الأوجاع ماهو مستعد

‏رغم ما عندي من الحزن أساسي وإحتياط
‏ما بعد مكّنت الأيام منه ولا بعد

‏إتّخذت من أحمديات سجّاتي بساط
‏لين أغني في هوى الترف منسوع الجعَد

‏نعمةٍ ما هي بمن حظ شعّار البلاط
‏ولا لقاها كل من قام ولا من قعد

سامي سعد