منتديات قبائل شمران الرسمية - يا عشير المصلحه منك انتهيت

يا عشير المصلحه منك انتهيت
وعشره الاخلاص منـت بقدهـا

للمصالح عشرتك تـوي دريـت
وعشرتي ويـاك هـذي حدهـا

والهدف واضح ولا مثلك رأيـت
واجد الغلطات يصعـب عدهـا

ابتعد ما ابيك فينـي وش بغيـت
رح ودور يـد غيـري وشدهـا

ولا تجاملني ترا غيـرك لقيـت
من يدينـه للوفـاء لـي مدهـا

يعرف الا خلاص في قربه سليت
والسعاده صـار قلبـي عندهـا

لي صديقا هو رفيقي لا مشيـت
وعينـه لعينـي يـداوي ودهـا

ويا عشير المصلحه شفني نسيت
والقصيده صار واضح قصدهـا

إبراهيم الصخري