منتديات قبائل شمران الرسمية - بعض البشر يضحك ولو كان مطعون

بعض البشر يضحك ولو كان مطعون
يرفع عن العذال عالي سياجه

وبعض البشر يبكي على شي وبدون
ويشف جوفه كنه الا زجاجه

بعض العرب يمدحك مادمت له عون
لو تعتذر مره يقطب حجاجه

بعض العرب في كل يومٍ لها لون
اليا مليته قاز يضوي سراجه

فعلاً على ما قيل هالناس ينسون
وكلً يبّين معدنه وانعواجه

وبعض البشر منسي ولا عاد يطرون
مير بحضوره مثل طب وعلاجه

وبعض العرب كنه من أفلام كرتون
ثقيل دم ويزعجك باللجاجه

وبعض العرب وقت المواقيف دندون
فالموقف الغصاب يوم المواجه

هذي حقيقه فيما قلت ويقولون
هذي رسومً صمموها في عاجه

وعند المواقف نعرف اللي يبينون
هذا اصيل وهذا خاله خواجه

؟؟؟