منتديات قبائل شمران الرسمية - خاطري لا غابت الشمس والليل اقترب

خاطري لا غابت الشمس والليل اقترب
خاطر المسجون لا ما تبلغ بالقصاص

وش ابي بالليل والنجم يبدي ويغرب
والمنام ابعد علي من طبرجل للنماص

والخلا صارت فجوجه مداهيل ومرب
للخفوق اللي غدا له عن الوقت اختصاص

لا خذتني ضيقه الصدر من بين العرب
والتهمت ان محزم الصبر خلي من الرصاص

قلت يا وقت الهنا والسعاده والطرب
هو بعد ودك تعود علي ولا خلاص

عبدالرحمن سعود الشهراني