درر الشعر
 

‏ درر الشعر
للشاعر مسلط بن الحميدي السبيعي

◉ يقول:

أكثر اللي ضيّق أخــلاقي وفــوّر دمّي
موقفٍ يوم القيامة ماحسبت حسابه

مقدر اعطي حسنةٍ وحدة لبويه وامّي
واعطي اللي كنت ماحبّه وكنت اغتابه

◉ ويقول:

تارك صلاته حصيلة كفر ومصيبة
عز الله إني منه بالحيل متعجّب

من سمع حيا وعيا ذاك والخيـبة
حتى لو إنه سليل شيوخ ومنجّب

لا جاك قالط ما يستاهل تحيي به
لا صــار ربي يحــيي به ولا يوجب

◉ ويقول:

زلة الطيب عباره عن علاج مســكّن
الصدور اللي من أنواع الحسد مليانه

الحسد في صدور نصف المجتمع متمكن
مجتمعنا يحسد الأصلع على حجّانه

◉ ويقول:

ليا شفت لي محتاج لديت يمّ الجيب
تعودت حتى لوّ أخَبْره ما فيه ريال

يامفتي هلْ ايجوز اتصدق مكاسر طيب
على واحدٍ (مسكين) مايملك الاّ المال