منتديات قبائل شمران الرسمية - لا تاخذ الدنيا على محمل الجـد

لا تاخذ الدنيا على محمل الجـد
اضحك لها لو تبكي الناس منهـا

ليامها لو طالـت أيامهـا حـد
تاقف عليه وينقلب لك صحنهـا

لا تحسب انك عند طوفانها سـد
هذي تكاليف الحيـاه وسننهـا

أنا أحسب أنه راس مال وولد جد
وأثره ولد حاجات ويصد عنهـا

أرسلت له صوت ورساله ولا رد
وعاد الصدى برسالتي وبلحنهـا

قلت الردي يا ما على معدنـه رد
والناس يا مـا عـودت لمعدنهـا

نايف صقر