منتديات قبائل شمران الرسمية - رحلت بالتفكير بين الليالي

رحلت بالتفكير بين الليالي
انفض غبار الوقت بالفكر عنها

استرجع اللي فات واللي مضى لي
لحظات مرت ما يقدر ثمنها

وقت علي بساير العمر غالي
ايام ليته ما تعدى زمنها

اللي تلاشت تحت موج الرمالي
حفر لها كف الزمان ودفنها

ما باقي الا هاجسي والخيالي
ارحل بعيد شوي واجذب رسنها

واقف على ذيك المشارف لحالي
مواقف للشوق قلبي حضنها

هذا صداها حايم في مجالي
هي روح روحي والظماير وطنها

رحلت بالتفكير والجو خالي
يوم ان صوت الشوق يامر وينهى

عبدالعزيز السناني