منتديات قبائل شمران الرسمية - ‏نشوف زلات القريبين بالعين

‏نشوف زلات القريبين بالعين
ونصد عنها كننا مادرينا

ما همنا قول العفون الرديين
يهمنا الطيب وش يقول فينا

قدامنا لبسوا ثياب العزيزين
واثر البلا كله ليا من مشينا

وبغيابنا كن السنتهم سكاكين
تاكل لحمنا ولا تسمي علينا

من حسدهم لو انتعشا رغيفين
تقول كنا من صحنهم كلينا

ولو رزقنا بيد القراب الحسودين
والله حتى رزقنا ما خذينا

الحال مانشكيه عند الضعيفين
لو يشتكي جور الليالي حدينا

من لا يبينا لو نقدم له الزين
ما يشوف زين اللي تقدم يدينا

ومن حبنا لو إننا إنقاطعه سنين
ما يذكر إلا الغانمه لاطرينا

الشاعر .. تركي عواد