سـلام الله والهاجـس علـى بـنّـه طـغـى هيـلـه
 

سـلام الله والهاجـس علـى بـنّـه طـغـى هيـلـه
بـدع زيـن البيـوت وحافهـا واحسـن قوافيـهـا

يصب الكيـف الاشقـر مـن دلالـه فـي فناجيلـه
يسوقـه فـي يديـن رجـال تاخـذهـا وتعطيـهـا

سعـد واقبـال وابراهيـم محـور حفلـنـا الليـلـه
لهـم منّـا الـوفـاء والطـيـب والازهــار نهديـهـا

تحـيـه صـادقــة يامـنـبـع الـنــور ومشاعـيـلـه
شموع(ن)تحترق لجل الدروب ومن مشى فيها

أكيـد انتـم مقابيـس الدجـى وانـتـم قناديـلـهم
عين(ن)مانضـب يطـوي بــلاد الله ويسقيـهـا

لكـم درع الوفـا والكـل منكـم مابـخـس كيـلـه
يـديــر الـشــور والصـعـبـه يعقّـلـهـا ويثنـيـهـا

أثرْكم فـي ريـاض المعرفـه فاحـت مداهيـلـه
وجيـش العاديـات النقـع ثايـر مــن مواطيـهـا

وخط اقلامكـم ميـدان تصهـل فالوغـى خيلـه
نوايـاكـم خـيـول الخـيـر مـعـقـود بنواصـيـهـا

وفيتوا في عطاكم كل فارس حسب تحصيلـه
وشيّدّتـوا حصـون العـلـم وارسيـتـوا مبانيـهـا

وانـا اقـول المعلـم واجب(ن)مدحـه وتبجيلـه
سواة الغيـث يسقـي جرهـد البيـداء ويحييهـا

ونبـى نخـرج عـن الموضـوع ونغيّـر تفاصيـلـه
هروج(ن)مانبـى النايـد مـن العـربـان يوحيـهـا

يقـولـون التقـاعـد زيــن لـلـي ماسـكـن حيـلـه
يـــدوّر لــــه برنـسـيـسـه تـدفّـيــه ويـدفّـيـهـا

اليـا شفـت الحبـيـب الاوّلــي جـفّـت مناهيـلـه
وقــام يسـفّـط الافـــراح بـالــدّور ويطـوّيـهـا

تسـوّي فـي حنايـا الصـدر تـدويـره وتحويـلـه
تـلـمّـع حـلـمـك المـهـجـور وايّـامــك تحلـيـهـا

ومـن ضاعـت علومـه ينتخـي بـأمّـه وتدعيـلـه
عـسـى ربــه ييسـرلـه الـيـا كـثــرت دعـاويـهـا

أمّــا مـسـيـار وإلاّ كهـلـتـه تـعـطـف وتـاويـلـه
يـتـنّــح عـنـدهــا تـقـعــد تـفـلـيـه ويـفـلّـيـهـا

ومـن فاتـه قطـار العـرس يالاصـحـاب عزّيـلـه
يـقـرّط فــي عـجـوزه ويتـجـوّد فــي علابيـهـا

يعـذّر فـي جميـع احلامـه ويقْـصـب معاميـلـه
وريـعــان الفشـيـلـه والـنـقـد لاعـــاد يبـديـهـا

وانا خابر سعد في صـدره هروج(ن)لهـا طيلـه
مــرار يقـولـهـا ومـــرار يجْـحـدهـا ويخفـيـهـا

وابراهيـم ابْلـش أهـل جيـاد وكـدي بتهاويـلـه
يـســرّح كـارثــة والثـانـيـه حـــالا يـضـوّيـهـا

واقـبـال مـسـوّي المحـجـاه ومجـهـز درابيـلـه
يطيـر الصيـد وهــو يـرفـع البـنـدق ويرخيـهـا

وانا اقول استريحوا خلّـوا العـرس لرجاجيلـه
سـواة (مسّفر)اللـي لـن نـواى حاجـه يسوّيـهـا

ابن حمدان ابـن حمـدان مـن ياصـل مواصيلـه
يـقـول الثـالـثـه لـــن دبّـــر الـرحـمـن نـاويـهـا

وصـلاة الله عـدد مـالاح بـارق وانحـدر سيْلـه
علـى مـن بلّـغ الدعـوة وصـاغ اجمـل معانيهـا

هلال العتيبي