العمر قصة والمواقف محطات
 

العمر قصة والمواقف محطات
والرزق بالنية والأعمال نيات

والله ليا منِّه كتب شي تمِّه
رزقٍ كُتِب لك فوق سبع السماوات

يعجز ابو من كان يقدر يخمِّه
مواري الطيب فعايلْه بسكات

سوالفه بيديه ماهي بفمِّه
ومواري الخايب كثير التشمّات

كل مايشوف إنسان طيّب يذمِّه
يدق بالعالم واذا شبْع دقات

يحوّل بدقه على عيال عمِّه
والشعر طيبه بالبيوت الجزيلات

يغنيك في كيفك عن اعلوم تمه
كم واحداً يكتب قصايد طويلات

وان مرت اذن من الي سمعها تسمه
وكم شاعراً لو هو كتب خمس ابيات

تحسها مكتوبه بحبر دمه
وانا ليا جتي مع الشعر حزات

اقدره وارد على عذب جمه
يغريني الليل وحنين المسافات

والصدق واللي في خفوقي مضمِّه
والذكريات اللي من العمر تقتات

والصاحب اللي شوفتي له تهمِّه
اللي ليامنه مشى بعْض خطوات

من كبرياه الأرض عجزَت تلمِّه
كأنها تنطق وترسل علامات

هذا لزوم ان السحايب تزمِّه
مزيون وان هبت من الريح نسمات

تحسها مرسوله بس يمه
والورد لشمه تقل معه بالذات

تشعر كان الورد جالس يشمه
افرح ليا شفته بخير ومسرات

سعد المطرفي

رد: العمر قصة والمواقف محطات
 

رد: العمر قصة والمواقف محطات
 

اخي الغالي ومديرنا الرائع
ابو حوفان
اشكرك جزيل الشكر لتعقيبك الجميل
لك مني أجمل تحية وتقدير لا عدمتك