لو نلتفت للكلام اللي على الفاضي
 

لو نلتفت للكلام اللي على الفاضي
إن كان مبطي كبود الناس مندبله

ثنتين ما غيرّن فالوقت مركاضي
الكلمـة الناقصة والهرجة الخبلة

الخبل يغتاض مثل الورع يغتاضي
وتكرم لحانا عن اللي قاصرٍ سبله

كلٍ بعقله على قول المثل راضي
وبالطيب كلٍ ما ودّه واحـدٍ قبله

خلك علـى زلة الأصحاب متغاضي
اللي يبا الطيب والنوماس يتعب له

ما يرضي الناس غير الشرع والقاضي
ولا يَفْرق الناس غيـر مقرقع الطبله

اللي يسولف بخلق الله والأعراضي
الله يقطع نمـاه وينقطع وبله

لو الحسد ينقطع من بدّ الأمراضي
غيث الحيا ينْبت القيعـان والعبله

حلّ المشاكل يبي فّتال نقّاضي
والكذب حبله قصير وينقطع حبله

سجّ القدم والفجوج وساع وعراضي
في خايـعٍ سبَّلت بفياضه الربله

محمد الفيصل