فوق هام السحب ( الشعر الشعبي) على متن القوافي

مرّي على البال مثل الريب والإشتباه
عندك مايبعث شعور الزعزعه فـ جسدي

الصمت مالي زوايا يومي ولا وراه
الا إعتراضي على صمتي وقَلّ جْهدي

مرّي مثل ذُعر في غمرة سبات الرفاه
مرّي مثل دمعة المستهتر إليا هُدي

مستاحش البال مايدعوه للإنتباه
وأنتي جميع الحلول الممكنه في يدي

يمكن يحايل رهيف الضحك معك الشفاه
وتحايل القلب والقلب الشقّي أجودي

مبطي ماجابته ضحكه .. أو ودتّه آه
مبطي ماقال لـ ضلوع الصدر وين آغدي

وأنتي من أول ماخلّتك الدروب إتجاه
كني من إعراج ناصي قبلتك ومهدي

أستقبلك كن مالي قبل عرفك طرَاه
وأستدير الأرض عنوه والبساط أحمدي

سمي دروبي بـ أساميها، مضيق ونفاه
وإخذي من الشعر إذعان الرضا وإخلدي

محتاج وجهٍ يرجعني أحب الحياه
وأنتي جميع الحلول الممكنه في يدي


......