فوق هام السحب ( الشعر الشعبي) على متن القوافي

‏عسى خيــــر بعـــد اتعابنا يــوم نرتاح
وعسى الامــل يأتي بطيــب الاماني

وعسى ورا الاحــــــزان تأتينــا الافراح
وعسى السعــاده ماتفـــارق كياني

وعسى حظوظ الوقت تنسينا الاجراح
وعسى القدر يمحي جروح المحاني

وعسى الزمن يضحك لناعقب ماطاح
وعسى المـرح يبقى طوال الزماني


.....

ﻟـﻣﺘﺎﺑﻌﻴﻨﻲ ﻗﺪﺭ ﻟﻮ ﻣﺎ ﺗﻜﻠﻤﺖ
ﻭﺑﺎﻟﻘﻠﺐ ﺷﻲ ﻣﺎ ﻧﻄﻖ ﺑﻪ ﻟﺴﺎﻧﻲ

ﻟﻠﻲ ﻳﺘﻔﺎﻋﻞ ﺍﻭ ﻳﺘﺎﺑﻌﻨﻲ ﺑﺼﻤﺖ
ﺷﻜﺮﻱ ﻭﺗﻘﺪﻳﺮﻱ ﻭﺟﻞ ﺍﻣﺘﻨﺎﻧﻲ

الحمدان....

أصعب من الجرح طول الانتظار
وأكبر من الحزن تلويح الكفوف

طال هجرك وأنت حددت المسار
رحت مع غيري وأنا عيني تشوف

مابقى في نجد للفرحه ديار
ضاقت الدنيا على قلب العطوف

كيف صرت اليوم أنا آخر خيار؟
وفي بدايتنا أنا كل الصفوف

لا تعذر وش يفيد الاعتذار ؟
دام قلبك معي ماسوا معروف


......

إختلاف الوقت من زينه ل شينه
لايـضعك بـدايرة شـك وضـلاله

انت من تجعل لذاكرتك خزينه
تحفظ بها اسم وتقاليد وسلاله

والرفيق من أول الاشيا الثمينه
إن لـقـيته لا تـدور لـك بـدالـه

اترك اللي زلفه اطول من يمينه
وانحر اللي عقله اكبر من عقاله

لايغيرك الصخب في ذالمدينه
وانت ابن صحرا ماياثق في ظلاله


......

‏راحو رياجيل الوفاء والمواقيف
اللي لهم بالوقت صوله وجوله

اهل الكرم والطيب واهل المعاريف
وليا بداء الماقف لهم وقفوله

راحوا وجوك مكثرين السواليف
ماتعرف الواجب ولاهم بحوله

مداحت انفسهااضعاف المحاريف
رصيدها في بنك ماله عموله

ماجد القريني

‏مايعلم الحال غير الله ...سبحانه
اللي له الناس تركع له وتسجد له

والمسلم اللي ذكر ربه على لسانه
يعفو عنه ربه الباري ويغفر له


راكان بن محمد

يـا ريـف بـالي بـك تعـدل مزاجي
وارتـاح قلـبي وانـورت بك عيوني

طيفك يسـامرني وانـا لـه انـاجي
بالحب واحساسه يداعب ظنوني

انـا بـحـبـك لـي امـان ومــلاجي
والقى بقـربـك يا غنـاتي سـكوني


.....

‏جمعت الشوق وأهديته عيونك
وكل الحب في دربك نثرته

وعطرت المشاعر من جنونك
وزفيت العمر لك لو خسرته

زماني ما تخيلته بدونك
وليلي بدون همسك ماسهرته


.....