فوق هام السحب ( الشعر الشعبي) على متن القوافي

‏من يقـول انـي تركتـه ؟ ماتركته
عاده بـ قلـبي و شريـاني و عيـني

لاح سيف البعـد لو ماهو بـ وقته
و استقـام وصـار ما بينـه و بيـني

شفت سيف البعد ماعنه ورحمته
قـال فيـني . . قلـت لا بـالله فيـني

.....

بيني وبينك فارق السن موجود
هذا الذي مالي عليه إستطاعه

ياليت عمري مثل عمرك بلا زود
السن واحد وأصلنا من جماعه

أو اني أشري فارق السن بنقود
من شخص مافاده شبابه وباعه

......

وانا اللي لو يولع كلامك بصدري نار
فتحت الضلوع وقلت أحبك وقلت اقبل

تغير مفاهيمك وتبقى الحياه أسرار
وتبقى الوحيد الاجمل الاملح الاقبل

فلا زلت اشوفك زينة أيام واستقرار
وماضي جميل وحاضر أجمل ومستقبل

.....

كل ما قلّ اتصالك .. زاد حبك
كيف صار النقص نوع من الزيادة

ليت لي في قلبك أشياء مثل ما لك
في مساحاتي مساحات وسيادة

والله إني في هواك العفّ راضي
مثل ما يرضى المواطن عن بلاده

ينتهي حبك وطول اليوم أعيده
دايم اللقطات أحلى بالإعـادة

.....

‏اكذب عليك ان قلت لاهي وناسيك
الشاهـــــــد الله مانسيتك دقيقــــه

كل المشاعــر لجل عينك ب اياديك
هذا الصحيــح ان كان تبغا الحقيقة

يانادر بوصفـــك عسـى الله يحميك
ويجـــــود وصلك لو ب أيت طريقة

.....

‏لا حدٍ يقول ان المواجع تخصه
‏وهو الوحيد اللي شكى من عناها

‏كلن وله في بنك الاوجاع حصه
‏متشابهه لو يختلف محتواها

‏وبقلب كل إنسان موجود قصه
‏لو يزعم ابنسيانها مانساها

.....

‏ﺗﺪﺭﻱ ﻭﺵ احلئ ﺷﻲ لا ﺻﺮﺕ ﺗﺸتاق
‏انك تشوف ﺍﻟﻠﻲ ﻳﺤﺒﻚ ﻳﻨﺎﺩﻳﻚ

‏وان ﺟﻴﺖ ﺟﻨﺒﻪ ﺗﺒﺘﺪﻱ ﺣﺮﺏ ﺍﻻﺷﻮﺍﻕ
‏ﻣﻦ ﺍﻟﻮﻟﻪ ﻭﺍﻟﺸﻮﻕ لنه قبالك

‏ﻭﺗﺸﻮﻑ في ﻋﻴﻨﻪ ﻣﻦ ﺍﻟﺤﺐ براق
‏ﻓﻴﻬﺎ ﺗﺤﺲ ﺍﻧﻪ ﻣﻦ ﺍﻟﻨﺎﺱ ﺷﺎﺭﻳﻚ

.....

‏أنا ناتج طفولة قلب وعقلٍ قد غزاه الشيبّ
‏تمر قلبيَ دروس الوقت ولا عمره شكى أرهاقه

‏أنا مابي من أيامي سوى أني اقترن بالطيبّ
‏واذا يذكر بـ يوم أسميَ تجيه النعم منساقه

‏أنا الليّ كل غاياتي حسن سمعه ودعوة غيب
‏وأكون اللي بعد ذكره ثنوا بـأفعاله وأخلاقه


......