فوق هام السحب ( الشعر الشعبي) على متن القوافي

‏لاتسأل الشـــوق عنـي وانت أدرابي
نفسي تمنـاك وانـت أغلـى حبايبها

أغلى من عيوني الثنتيـن وأصحابي
وأغلى من الناس حاضـرها وغايبها

ياراعي الحـب حبك ذوب اعصابي
والهجـــر والبُعـــد ذابلها وذايبها

.......

‏تعـــــالي نكتب فالمحبه روايه
‏باسمك وباسمي واسمها قلبي يهواك

‏انا هويتك عشق ماهي حكايه
‏تنقال في هــذا وتنقـــال في ذاك

‏جيت وتركت الناس كلهـا ورايه
‏شلتك هنا في القلب والعالم هناك

.......

تدري وش اللي غير الناس يافلان
شـرع المصالح وانعدام الصراحه

صرنا نجامل بالخطاء كـل غلطان
لين اكـثر الغلطات صارت مبـاحه

نمدح كـلام فلان من دون بـرهان
وفلان نجــرح بالتجاهل نجـاحــه

.......

الآماني ف الهوى مثل السراب
ممتع الإحساس لكنه كذوب

من هجر مره يطيب له الغياب
ومن عشق مره يموت ولا يتوب


.......

اشوفك ملجئي الهادي واشوفك غربتي والدار
‏واشوفك رجعة انفاسي ليا من ضاقت انفاسي

‏على وجهك يا ما شاء الله ولطفه و السلام الحار
‏يا وجهٍ كل ما شفته اردد .. يا بعد ناسي

‏تغيب الشمس و اشوف القمر في طلتك يحتار
‏يقول شجابني فـ الارض شكله حضرته ناسي

.......

ماينقّص قدر نفسك غير طبعك
وانت ماترضا عليها .. بالمهونه

لاتسولف في قفا ربعك وربعك
من يسولف في قفاك يسكّتونه

.......

تدري متى يعجز لساني عن الشرح
‏وأشعر بجسمي مـاتشيله عظامي

‏إذا جـرحت اللي مـَايستاهل الجرح
‏في حينها يـذبح سكوتي كلامي

.......

تدري وش الي بالهوى يقتل الود
‏جو الغموض الي يلف الأماكن

‏لاجيت تحمل في يدك باقة الورد
‏ضاعت حروفك بين يمكن ولكن

.....

ليت كل الناس بـ أوصاف الغيوم
لا سـوآد .. و لا نفـآق .. و لا ريـآ

تسكب الأمطار من فوق الہموم
وتنثـر الدمعـه علــى شـآن الحيآ ‎

.......

‏مشاعرنا ضحايا الصمت والكتمان
وكـرامتنا تـخـيّـرنـا ما بين أمرين

جميل الصبر وإلا نعمة النسيان
عسى ربـي ما يحرمنا من الثنتين

.......