فوق هام السحب ( الشعر الشعبي) على متن القوافي

يا كبر قدرك يا رفيقي عن الناس
مـا يشبهك في طبعك ، الا المرايا

هي تعكس الاشيا بدقة ومقياس
وانت تعكس طيبك وبيض النوايا

......

‏يا مساء الخير والدنيا بخير
يا مساء مسكنه بيض القلوب

يامساء الطير لا غنى لطير
في لحن شوق له المسمع يذوب

يامساء الورد باحساس مثير
انتشى ريحة وعطر كل صوب


......

ماكـل حـب يدخل القلــب سكـان
بعض الغلا لامن خذى ايام راحي

يــروح كـنه ماتــصـور ولا كــان
ويمحاه من لوعات الايام مـاحـي

والله لو ان الحب يشرى بالاثمان
لاشريه من خبل واحطه بصاحـي

......

‏صوتك حياة وراحتينك أماني
ونبضك قيود مايفك الرهينه

واحد ولاغيرك من الناس ثاني
والروح دونك ياغلاتي حزينه

والود ..ودي ما أشوفك تعاني
ودي تعيش براحتك والسكينه

......

خُـذني بـْحَنانَك يابـَعد عين مغلـيـك
خُـذني وخَـل الروح تحيا مع الروح

رَسِّي سفيـنـة عاشقَـك في موانـيـك
خَـل المشاعر تكـشف السر فـِ البـوح

غنيت لك واحساس ❤ قلبي يغنيك
مثل القصب حنيت والصوت مبحوح

ودي عـلــى شَــط الأمـانـي أرســـيـك
إن كـان ذا مـمنـوع او كـان مســموح

أَنـسى مَــعاك هْـمـوم قلـبي وانـسّـيك
نـبـحر بـعـيد بْـقـارب الشـوق ونـروح

موج البـحر هـَدّار حــذراك يـغـريـــك
راعـي الهَوى والحب لاشـك مفضوح

غَـمـِّض عـيونـك واشـبك ايدي بيَديك
عيش الحلم باحساس نابع من الروح

ودي عـلى رمــل الشّواطـي أمَـشّـيـك
أمشي معك ونضيع في كون مَـفـتوح

إن ضـعت بالواقـع ب الاحلام الاقيـك
قُـصّـة غرامي والـغـلا طـيـر مـذبـوح

إن كـان مـاتـدري تـرى مَـّيت ن فـيــك
أرجـوك لاتـعـزف عـلـى اوتـار مجروح


......