اقبل يحرك خطوة الرجل برفوق

أقبل يحرّك خطوة الرجل برفـوق // والقاع لمصافـح خطـاه يتشـوّق

مخلوق لا كنه ماهو بـأي مخلـوق // علـى بنـات آدم وحـوى تفـوّق

عليه لبسٍ يجمع الوسـع والضـوق // موسّع بعضـه وبعضـه مضـوّق

مر وتعدّى مابـدى منـه منطـوق // إلا أنـه بجيـش المفاتـن مطـوّق

خلاني أمشي وأقضب الدرب واتوق // ماني بتايـق فكـر لاكـن متـوّق

تقول مرميٍ على الأرض من فوق // ولاّمـن السـم السقطـري مـذوّق

يغفى علي شـوي وشـويٍ أفـوق // وأقول لا أستيقضـت والبـال روّق

مادام لا أمعوق ولا صايبـه عـوق // وراه يمشي مثـل مشـي المعـوّق

اللي مثل حاله خطر يدخل السـوق // مفروض يمنـع مايـروح يتسـوّق


وسلامتكم