قصيدة عامة

قصيـدة رائعـة للشاعـر / عبدالعزيـز بــن عـبـدالله بــن حـامـد
شملت قبائل (عسير - قحطان - شهران - رجال الحجر - بلقرن - شمران)

(هــــــــــــــــذا الـــــجـــــنــــــوب)


جزلا على مسحوب شعري تغنـي=طاروقها يطرب على جـرّ مابـي
دوزن لها شعري ولا خاب ظنـي=كم قبلها جزلة تسلطـن وجابـي
ما قد دعيتـه يـوم وصـدّ عنـي=إن ضاق صدري أو سلا هو زهابي
شعري مشاعر من معانـاة كنـي=لولا يصوّر داخلـي وش ثوابـي
مثل الوطن كلما سكنتـه سكنـي=مهما رحل يلقى الحنايـا روابـي
له ما بغى دام المطر نـزْف منـي=يسقي ضما صحراه ماطر سحابـي
لين انبتت ما بين أخضـر وبنـي=دهشة تسود الشعر لـو دقّ بابـي
شاعر جنوبي منبعـي أرض فنـي=يا جاهلٍ في أرض حضرة جنابـي
هذي عسير الحالفـة قبـل إنـي=غيم وسما حدّ الوطن من حرابـي
أضحك وانا الموت في طرف سني=مصنع رجال المملكة في رحابـي
موطن جحافل كـل نمـرٍ وطنـي=ألبس خضار ومن السحايب حجابي
وخير القبايل حالفـة لـي تثنـي=كـلّ القبايـل أصلهـا ابتـدابـي
إن ذِكر قحطان العدو لـه يخنـي=اسمي رثا موت العدو قبـل نابـي
منّي قحاح العرب مـا هـو تبنـي=بي ابتدى التاريـخ ثـمٍّ رسابـي
شهران جيش المملكة وان قطنـي=والله قطن جال الفسيحـة انكابـي
لا هو عبث اسمي ولا هو تجنـي=اسم العريضة من كفي ومضرابـي
(نيل المطالب ما يجـي بالتمنـي)=صبيا وبيشة من دخلهـا حمابـي
أربع قبايل تحت بيـرق حضنـي=هيبة رجال الحجر لمّـت انسابـي
منّا بني شهر الرحابـة والتأنـي=منها الغضب مطرود كنّه ارهابـي
منّا بني عمر الشهامـة والمجنـي=أهل الشكيمة سيف درع وجنابـي
ثم بلّلحمر حظّ مـن هـو زبنـي=من هو زبن راس الحميّة مهابـي
ثم بلّلسمر شامخـة عـن تدنـي=ولا أسمري فيها دنـي أو محابـي
يعرف أويس التابعي كـلّ سنـي=أهل الشفاعة بلّقـرن والصحابـي
دار الطلايع مـن تجاهـل فطنـي=طول النخيل الباسقة فـي رقابـي
منها الصقور الحايمة ما شحنـي=هرج القفا بوم وغـراب وذبابـي
شمران تزحـف للمعـارك تعنـي=طبع الشجاعة من طبايع شبابـي
جوّالسما طيار وفي الأرض فنـي=وعدٍ وفي ذمّـة بسالـة اسرابـي
يبقى الوطن عايش وفـي تهنـي=ما قد كذب أو طاش مضرب عقابي
هذا جنـوب المملكـة فيـه كنـي=اغرف بداية سرمدي لـه عبابـي
مالانهايـة بحـر دونـه رهنـي=جفّ القلم وانطوت صفحة كتابـي



وأشهد بالله انه ما غوى