يا خوي جيتك خطايه قدح وارضي زناد💚

يا خوي جيتك خطايه قدح وارضي زناد


الشاعر/ راشد النفيعي




يا خوي جيتك خطايه قدح وارضي زناد

‏والقلب جمرة غضى والوقت نار وفتيل

‏والحر لولا سبوقه ما انكسر عن هداد

‏والذيب لو سد جوعه ما عوى كل ليل

‏ياخوي من غيرك ان ضاقت علي البلاد

‏يحط عني غرابيل الزمان ويشيل

‏سقوى سنين الجهاله قبل سن الرشاد

‏ايام كنّا نعد الأرض مضمار خيل

‏ان طحت قدام عيني قلت: كبوة جواد

‏وان طحت قدام عينك جيت كلك صهيل

‏اسج رجلي خلا واهيم في كل واد

‏اسجها من كثير ولا حصل لي قليل

‏القلب بستان طيبة والعواذل جراد

‏تغانموا كل حاجة غير روس النخيل

‏ما اقسى من انه يطولك ظلم بعض العباد

‏الا ان من يظلمك له في عيونك مقيل

‏واصعب من العيش فالغربه و جور البعاد

‏مرار عيشتك فوجيه الليالي دخيل

ياخوي لا شفتني سجيت بالله ناد

‏اخاف تبطي بي السجّه ولا به حصيل!