أستصغروك أقرب اصحابـك وكبرتـك

حتى أنت....؟ بانت نواياك وتصاغرتك
وانا اللـي أبـروز علومـك واكبرهـا

خاويتني وانتهـض راسـي وناصرتـك
وهزيت لأسمك هل الطيـب ومنابرهـا

ونقلت حملـك علـى متنـي وسايرتـك
وخاويت بك نقـوة العربـان واخيرهـا

وعلمتـك بقيمـة الرفقـه وصقـرتـك
وازريت اغطي عذاريبـك وتضهرهـا

أستصغروك أقرب اصحابـك وكبرتـك
وصغرتهـا ليـن خليتـك تصاغرهـا

أمـد يمينـي ليمينـك يـوم قـدرتـك
وتردهـا مـن ردا راسـك وتقصرهـا

والله ما أنت بمثل مـا أنـا تصورتـك
تلـد عينـك علـى العوجـا وتسبرهـا

ما أخترت أخاويك من رغبه ولا أخترتك
خسارة اسنين عمري فيـك وأشهرهـا

غلطان لو تحسب ان الأجواد خاسرتـك
بالعكس من تفقـدك مـا الله مخسرهـا

عاشرت غيرك على الدنيـا وعاشرتـك
ولا أنت أول اللي فقدت وجعلك آخرهـا

أحرقت كرت الصداقه وأحترق كرتـك
تسعه قضوا من حياتي وأنت عاشرهـا

ان ما حقرت العرب ما هيب حاقرتـك
ولا يمكن تعز شانـك وأنـت حاقرهـا

علمتـك العـام وقبـل العـام حذرتـك
أستـر عيوبـك مــدام الله ساتـرهـا

غـرورك يسوقـك لبيبـان مقبـرتـك
وتواضعك يرقب العليـا و (يضهرهـا)

لو مـا تغيـر طبـاع النفـس غيرتـك
وتواضع النـاس يغنـي مـن تكبرهـا

ثـلاث تتجـر بهـا ماهـي مخسرتـك
تجـارة" مـا تخيـب ظـن تاجـرهـا

نبـاك وأسمـك ورجـوا الله مغفرتـك
نصـرا" مـن الله كـان الله سخـرهـا

لا ترضي إعداك وتكسب من تحاقرتـك
ولا تزعل أقرب بني عمـك وتخسرهـا

وأقد على الطيب مـا رجلـك معثرتـك
واتعب علـى رفقـة الطيـب ودورهـا

ولا تذخر بوقفتـك والنـاس ذاخرتـك
أن كان فيها (مغـز أبـره) لا تذخرهـا

تـرا ثيـاب الـردا ماهيـب ساترتـك
ونقد الرياجيل يوجـع وانـت خابرهـا

لو تطلب الناس منـك فـوق مقدرتـك
أمــا تـحـزم لـهـا والا تعـذرهـا

ولا تعتذر من رخى ماهيـب عاذرتـك
ولا تقول ما اقدر عليها وانـت قادرهـا

طعني ولا عاد تطغـى فـي مكابرتـك
لا تموت الأنفس قبل تصحى ضمايرهـا

حاول في دنياك تعمـل شـي لأخرتـك
ما عقـب طـول العمـار الا مقابرهـا

الشاعر حمدان المري

جزاكم الله خيرا على الطرح الرائع
اشكرك جزيل الشكر
كل الموده والتقدير

شكرا على القصيدة
جزاك الله خيـر
بارك الله في جهودك
وأسال الله لك التوفيق دائما
ونفعا الله وإياك بما تقدمه

شكرا اخي الغالي الحمدان

قصيدة في المستوى رائعة

لاهنت

تسلم يداك والله يعطيك العافية

بارك الله فيك علـى المـوضوع الجمـيل والطـرح الممـيز
أفـدتنا بمـعلومات قـيمة ومفيدة جـزاك الله خـيرا
نحـن في انتظـار مواضيـعك الرائـعة
لـك مـني أجمـل التحـيات ودمـت فـي أمـان الله وحفـظه

أخي العزيز الحمدان
شكرا لك على هذا التواجد الفعال
والمشاركات النافعه والمفيده
بارك الله فيك وجزاك الله خير