طرد السراب أرحم

يامركيٍ بين المعاليق شلفاك
الموت في حال الحزين انفراجي
ابنشدك والهجر جملة عطاياك
من ورطة الاحزان وش هو خراجي
عشت العمر محتاج وصلك ولماك
ولاقدرت الاقدار فيك احتياجي
لاقفيت عني قمت اطالع مقفاك
والليل جاله من وراك ازدواجي
والارض قامت مولعه تحظن خطاك
والريح باسمك ف النحايا تناجي
والغيم لاخلته يسره محياك
وده يجي لك في سماه انعراجي
ولو الذي سراني الليل سراك
ماكان جا للنوم عندك رواجي
انا عشقتك موت وازريت لانساك
لين الخلايق شافتك في حجاجي
وانا لاشفت اللي تصبه شفاياك
ماكل عذرى يهتويها مزاجي
عود على قلبن يحبك ويهواك
ياللي بيدينك فرحتي وابتهاجي
سيل المدامع مايبي غير منحاك
لو مره السباح ماهو بناجي
ولاسلتني من عشرة الغيد وش جاك
وانت الطبيب اللي بدينه علاجي
ببقى على حبك وشوقك وذكراك
طرد السراب ارحم من اللي هماجي
يوسف الشمراني

صح لسانك وعلا شانك علي جمال الكلمات

وروعة احساسك

قصيدة رائعة
تسلم الايادي
إستمر ولك التوفيق بـإذن الله

تقديري وإحترامي

شكرا اخي يوسف
طرح راااقي جدا ومميز
مبدع في كلماتك في انتظااار قااادمك
لك ودي وكون بخير