قصيدة لشاعر الجزيره علي القحطاني

كتب الشاعر علي القحطاني هذا النص

لاتـــــــجـرح القلـــب يامـزاح=تعـرض لـه امــال براقـه
مــــــــعـاد يغريـنــــي التـفـاح=لافي غضونـه ولا اسواقه
لو بالهــــوا فايـــــده واربـاح=ماسهـر اعيـون عشاقـه
عذبني الصـــــاحب اللـي راح=ذقـت الـذي ماحـــد ٍ ذاقـه
اشوف نفســــــي كـذا مرتـاح=مالي على البهذلـه طــاقـه
قلبي ورى القفل والمــــفتـاح=ماريـد بلـواه واحــراقـه
بحر الهوى اقوى من السباح=ياويل مـن طـاح بعماقـه
كم واحد ٍ تحسبـه نصـاح=والوقت يكشف لك اوراقـه

وقد جاريته بهذا النص المتواضع

اهــــــلاً عــــدد بارقٍ لمــــــاح=وعد صبحٍ ضوى اشـــراقه
واعداد ما العود الازرق فـــــاح=يارايد الشـــــــعر وعملاقه
بوناصرفي الشعر اخذت وشاح=وفي غيــــبتك يعلن اخفاقه
في غيبتك الادب كم صــــــــاح=والشعر صـــــايح وعشاقه
ويــــن الذي ينــعــش الارواح=ويـــطرب قلـــوب مشـــتاقه
بحضوركم نشــعل المــصباح=وتـــفرح اشـــخاص ذواقــه
ننسى الكدر والــــحزن ينزاح=وهـــمومنا تنــطوي اوراقه
مالوم من هو بشـــــعرك ناح=كلاً عـــلى الــفن ســبـــاقه

اتمنى التوفيق للجميع اخوكم ابو جلال الكثيري

شـكــ وبارك الله فيك ـــرا لك ... لك مني أجمل تحية . تقبل مروري

حياك الله يا أبو جلال

وصح لسانك

اخي الكثيري...
اسعد الله اوقاتك بكل خير.
مجاراتك رائعه وقصيدتك من الطراز الاول السهل الممتنع .

بارك الله فيك.

أحمد الكثيري

صح الله لسانك على مجاراتك الرائعة
قصيده جميله أسجل إعجابي فيها

تقديري لك