رد الشاعر/خلف بن عبدالله الواسي

هلا مرحبا يالي بلأبيات مرسلي *** صديق عزيز من خيار المناصيبي

ونا مشفي لرسالته يوم توصلي *** هدفها صحيح يودي الفكر ويجيبي

من مبارك اللي يفتل الشور ويحلي*** ويعرف مواجيبه بلا شك او ريبي

كريم يثني بتراحيب ويهلي *** ليا شاف ضيفانه يثني التراحيبي

وشكواه من ناس بهذا الزمان اللي*** يخلي الحكيم ايون ويلاحي الذيبي

صحيح الردي متغير الطبع والشكلي*** ماتنفع معه كل الطرق والأساليبي

ولاكن تجنب خوة الخبل والنذلي *** ورزقك على من في يديه المكاتيبي

وهل المنهج اللي قبلنا وقتهم زلي *** هل الطيب وافين اللحى والاشانيبي

ولاكن مازال الطيب في طيب الاصلي*** ومن عادته ماجمع الطيب بالعيبي

ورسالتك عندي قدرها فوق متعلي***وعذرآ على رد حصل دون ترتيبي

اخوكم الشاعر/خلف بن عبدالله الواسي

صح لســــانكـ

صح لسانك يالواسي
تقبل مروري وتقديري

صح الله لسان الواسي على الرد

صح لسان الشاعر القدير خلف بن عبدالله الواسي
على هذا الرد الجميل

ابيات جزلة

صح الله لسانك

وأحسنت على التعديل المطبعي

بيض الله وجهك

صح لسان الشاعر / خلف بن عبدالله الواسي
وشكرا لك اخي مبارك بن عثمان
على طرح هذا الرد الجميل

صح لسانك يابو عايض