صاحبي لادارت الايّـام واضنـاك الفـراق

صاحبي لادارت الايّـام واضنـاك الفـراق=واستباحك كل جرح وصار لك مثل الخـوي
اذكر اللي من فراقك ضاق صدره واستضاق=حالته تِشكى وصدره من همومـه مرتـوي
كنّه المسجون ظلـم وحِـط بيديـه الوثـاق=وصار مجرم في عيون الناس لوانّه سِـوي
لبّسوه التهمه اهل الكـذب ودعـاة النفـاق=وانكر التهمه وقالوا عنـه خـادع فهلـوي
وِانْحكم من غير حق وغاب عن وعيه وفاق=في غياهب سجنه المظلم حزيـنٍ منطـوي
وانت يانبض الخفوق ومنهله عذب المـذاق=لاتزوّد ضيقة اللـي مـن زمانـه منكـوي
حنّ وارفق وان بغيت الصدق هجرك مايطاق=قلتها والضعف ماهو ديدن الشخص القـوي
لكـن الدنيـا غلابـاً والهـوى بالاتـفـاق=والحظوظ العوج في وقتٍ عَوَج ماتستـوي
والاّ وش حَدّ العراقي يبكـي بـلاد العـراق=غير غَدْر المعتدين ولالقا شخـص حمـوي
ينتصرله في زمان الفتنه وعصـر الشقـاق=يوم أفـواه المدافـع صوتهـا يِـدْوي دَوي
ولو تقول انّي بهذي قِد خرجت عن السيـاق=عادة الاحزان تلوي عاتـق الشاعـر لَـوي
وانت لو قدرت مره بس معنـى الاشتيـاق=ماتركت الحزن يعوي داخل ضلوعي عـوي
مير لا دار الزمان وذوّقـك طعـم الفـراق=أذكر اللي من فراقك منكـوي قلبـه كـوي

محمد القثامي

رائعه كحضورك واشكرك على التنوع في الطرح

وانت يانبض الخفوق ومنهله عذب المـذاق=لاتزوّد ضيقة اللـي مـن زمانـه منكـوي
حنّ وارفق وان بغيت الصدق هجرك مايطاق=قلتها والضعف ماهو ديدن الشخص القـوي
لكـن الدنيـا غلابـاً والهـوى بالاتـفـاق=والحظوظ العوج في وقتٍ عَوَج ماتستـوي

تسلمين ريهام خالد على هذه الحروف الرائعة
لها وقع خاص

الله يعطيك العافيه

ودمتمي بخيروسعاده

ريهااام خالد
دمتم بروعة طرحكم
أكاليل الزهر أنثرها في متصفحكم

بكر علي
شكرا على مرورك الطيب
بارك الله فيك

شكرا لك على الموضوع المفيذ

جزاكي الله خيرا

ريحانة الطيب
تسلمين على الزيارة ياغاليه

لك الشكر من كل قلبي

شذى الياسمين

اسعدني وجودك كثيرا

جزاكي الله خيرا