يدور الحيد لسود والجبل لبيض كماه يدور

يدور الحيد لسود والجبل لبيض كماه يدور
ونا بين الصروف الي رحاها يطحن اعظامي

طحيني تعجنة يد الهموم وتشهب التنور
بنقلة من ضلوعي لا مقطها عرقي الضامي

ودمي في طحيني بين يدات الهموم يفور
ويعجن ما تبقى من بقايا جرحي الدامي

تمددني همومي فوق سطح المعجن المكسور
وتصفق بي كفوفه في صفاة الموقد الحامي

فحمت ورملة الواقع رماد وفي ثراه قبور
كان الياس خلفي يرتبع والموت قدامي

شرد ذهني وشفت الحلم شارد والقدم مبتور
وتفسيره تعرا قبل يكسي طفلة احلامي

ورحت ابحث على طب الحياة وقلت يادكتور
ابا منك دوا شعبي مفيد او مرهم اسلامي

يعالج جرح في كبد الضمير المجرم المغرور
عقاقيره تناسب كل ظالم طبعه اجرامي

ويرتاح الضمير المستقيم الصاحي المقهور
من اوباش الزمان الي تسمم منبع اوهامي

وقال ادفع تكاليف العلاج الهابط المنثور
وسجل وصفته فيها وصية تظلم ايتامي

ووقعته ونا غاوي ومن كثر الوجع مجبور
وعنوان المظالم كلها في بصمة ابهامي

ذبحني والوصية منصفة خذها بظلم وزور
تشرعن له مجاميع الحقوق ورخصة اعدامي

الا ليت الامل يرجع علينا والزمان يدور
ونعطي كل واحد قيمته من عملة ايامي

علي الخليفي

شكرا على الطرح المميز
جزاك الله خيرا
وتحياتي لك

المشاركة الأصلية كتبت بواسطة ريحانة شمران

شكرا على الطرح المميز
جزاك الله خيرا
وتحياتي لك

الأخت الرائعه ريحانه شمران
منوره بمرورك الرائع والمميز
كل الموده والتقدير لاعدمتك