يا نفسي ارتاحي ويا قلبي ارتاح

يا نفسي ارتاحي ويا قلبي ارتاح
مادام دنياك اخرتها الزوالي

مانيب محسب للخساير والأرباح
سوى سوى عندي رخيص وغالي

ارعى خياله كلما بارق لاح
يامن خياله ما يفارق خيالي

بكيتني ياطير فوق الشجرناح
خليت عيني تسكب الدمع غالي

لما سمعته هيجك قبل الأصباح
فقلت مثلي لوعتك الليالي

ياطير لاتكثر تغاريد وصياح
انظر لحالك هل غذا مثل حالي

اما اعطني يا طير ريشك والاجناح
والله فتح لي في سماه المجالي

والا اترك التفكير والهم يا صاح
الهم كله والتعب والعنالي

ما صرت مثلي في مهبات الأرياح
العب معاهم في جنوب وشمالي


علي القحطاني