عزة النفس .......

قصيدة بعنوان {{عزة النفس }} من بوحي املي أن ترقى لمستوى ذائقتكم


الا يالله لــك الشـكـوى ولا غـيــرك لـــه التبـجــــــــيـل=هـمـومـي متعبـتـنـي وانــــت فـارجـهــا ووالـيــــــهــا
وأنا نفسي رمتني ما رضت باللـي رضـاه أ..كحــــــيـل=ولا تــرضــى دروب الـخـلــق وتــدانــي مـواطـيـــهــا
وأنـا فـي روضـةٍ خضـرا نديـة قـد سقـاهـا الســـــــيـل=وتـخـتـار الـديــار الـلــي سـهــوم الـمــوت مالـيــــهـا
اذا مــا سلهـمـت عيـنـي وغطـانـي ســواد اللـــــــــيـل=رمـتـنـي بالـهـمـوم أحـتــرت ... أعللها واسـلـــــيـهـا
رضيـت آخــاوي السـمـار وأتلهى...بـركـب الخــــــيـل=وأطـالـع فــي غــروب الشـمـس لا غـابـت لآلـيـــــهـا
وارد الـصــوت وآغـنــي واجـاوبـهـم ..الا يـــا لــــيــل=لحـون اللـي نسـى همـه .خلـيّ النفـس ساليــــــــــهـا
ولكن نفسي القشرى مداها النحس شايل شــــــــــــيل=عـزيــزة واتعبـتـنـي ..حـظـهــا انــــاالله ..معـلـيــــهـا
أسلـيـهـا وأمنـيـهـا ولــكــن .. متعـبـتـنـي حـــــــــــيــل=وتـخـتــار الـــــدروب الـشـايـكــه وآنـــــا مـخـلـيــهـا
تجاذبنـي ..وأجاذبهـا .. لواعطيهـا العسـل والهـــــــيـل=عصـتـنـي واهلكـتـنـي حيـلـتـي عـيــت تـجـاريــــــهـا
الا..يانفس عودي للطريق اللـي مشـاه أ...شهــــــــيـل=ولا تـرمــي .بـروحــك فـــي بـحــور مـــن بـلاويـهــا
تقـول المـوت فـي ركـن الصعايـب خيـر مـن تدلــــــيـل=تـعَـز الـنـفـس... دام اطمـوحـهـا بـاعـلـى أمانـيـــهـا
طموح الطير متعبنـي يودينـي لنجـم ... ا..سهــــــــــيـل=سـكـن بالنايـفـات البـيـض ..كـلـت رجــل واطيــــهـا
رفـيـق الـهـم والحـسـرة تـعـودت الشـقـا والمـــــــــيـل=تـجــرعــت الــمـــرارة ... والـرفـاهــيــة نـخـلـيـهــا
طـلـبـت الله يـسـامـح زلــتــي ويــهــون الـتـهـويـــــــل=لـهــا عـــزة .. ولـكــن نـطـلـب ان الـــرب يـهـديــهـا


استغفر الله العظيممن كل ذنب