محاوره بين الحوت وسيف الشعر

اثناء جولتي في الشبكه العنكبوتيه حصلت على هذه المحاوره القويه
بين شاعرنا سيف الشعر والشاعر الحوت

البدع من الحوت
مرحبا بالجندي اللي مسوي لي وزير

مامعه غير القهاوي وساهر كـل ليـل

أيه نعـم حنـا مطاليـق ماواحـد جهلنـا

وإنت لك عقلٍ يميّز وعيـن تـرى بهـا


الرد من سيف الشعر
ينتعش راسي الي سمع لحن وصوت زير
وانا راسي لشكاله معك في كـــــــــل ليل
والله لـــــــــــوماكنت ياصحبي منا وهلنا
كان خليت البنادق يعج اترى بهــــــــــــا
البدع من الحوت
مرحبا وأهلين ياراعي السيف القصير
يوم طبيت المعارك ومتخيّـل بخيـل
قبلك الوافي سرى يوم شاهدنا وصلنا
وإنت شوف صقورنا بيّنت مخلابهـا


الرد من سيف الشعر
ليتني ياحـــــــــــوت ماني بلك جـار وقصير

يوم جيتك ضيف بانت علـــــومــــــك يابخيل

تعرف ان سيفي يجمل وله برق (ن) وصلنا

والنفوس اللـــــــــي رديه ترى مـــــاخلابها
بدع الحوت
أيه وربي إنك علـى نيّتـك عقلـك صغيـر
تحسب إن الصقر مثل الرخم والنمر فيل
قلتها من قبل ياللاش تخسى ما أنـت منـا
نـوقـكـم جـبـهـا عـشـيـة وأنـــا حـلابـهـا



رد سيف
والله ان سيفي على مثلكم دائــــــم يغير

اتشره مــن ورى الشات والملقى جفيل

اذكر اللي مات منكم وحن كم مات منا

يــوم خذت اوصاف نــوره وتتحــلابــهــا

بدع الحوت
أدع ربك يخرجك من عنا الدرب العسير
خل سيفك ينفعك يوم جا رمـحٍ طويـل
كلما قلنا الهواميـر راحـوا وأنتسمنـا
البضايـع سلـعـةٍ فشّـلـت دلّالـهـا

رد سيف
خاطري مرتاح مادمت فــي روضه عسير

وادري انه جاك مني ذهــــول وجاك ويل

تدري ان السيف في جبهتك بيَن وسمنا

احــــــــــم بيرك راعي الحبل كــم دلالها

بدع الحوت
ما مع سمحان وقت الجديد إلا الهدير
الجمال تهادرت والخيول إلها صهيل
ما نوينا فتنـة الشـر ياسيـف ودعمنـا
نقفـل أبـواب المشاكـل وتفـتـح بابـهـا




رد سيف
انت راعي المدرســــــه والمعلّم والمــــدير
خل عنك السفن واشرب مــــــعي بنن وهيل
فـــــي بحور الشعر ياصاحبي غصنا وعمنا
مـــــــــانويت افـــــرقك لين نطـــــرق بابها

بدع الحوت
خل بحر الشعر ما أنته بحوله ياصغيـر
كان تبغى العفو يا سيف حضّر لك كفيل
السفن ماهـو لنـا لـو عطشنـا مـا شربنـا
والقصايد معـك أنـا مـا حسبـت حسابهـا

رد سيف
والله اني غير يالــحـــوت وان اللص غير

بعضنا جسمه كبير(ن) وعقله عقل فيل

تعرف انا فــي المواقف وقفنا مــــاهربنا

وانت مهما كنت نفسك بصفي احسابها


بدع الحوت
حن خذينا النوق والحقد في قلـب البعيـر

علمّـوه إن كـان كـذّب نجيـب ألـه الدليـل

قلت في نفسي درى راعي النوق وكشفنا

وأثر عنده الوضـع عـادي وهـو جلابهـا




رد سيف
انـــــــا شفتك بعت خيلك وبدلته بعير

وانا سيفي في الميادين له صوت وليل

اتهرب مـــن حقيقه وحن بالعين شفنا

الكوره راحت فــــــي القول يوم جلابها