أنتبــهو الدخول لمنتديات القبائل يسبب سرطـــان!!!

بسم الله الرحمن الرحيم
السلام عليكم ورحمة الله وبركاته

موضووووووووع حساس جدا وهو يدور حول الاشاعات وما ادراك ماتفعل الاشاعات في جيلنا هذا وما أسرع تنقلها من مكان الي آخر وسرعتها تفوق احيانا الكنكورد 00وعلى طاري الكنكورد ها تدرون ليش وقفوا الكنكورد على شان السفر بها يسبب سرطان 00 عموما ماهي الحلول في نظركم ؟؟ وكيف يتم ايقاف الاشاعة عندما تصل اليك؟؟ وكيف تتصرف عندما تصلك اشاعه تخصك أو تخص شخصا قريب منك ؟؟ الاسئله كثيرة جدآآ والمحاورة واسعه اترك لكم المجال وقبل ذالك عليكم الاطلاع وقراءاة الموضوع جيدا 0000
عموما اترك الجميع
مع الموضوووع

والله مليت ..


الانترنت صار قروشة اول نفتحه ندور شي يوسع الصدر, الحين ما فيه الا الاكله هذي مسرطنه, والعصير هذا يسبب صلع ,وكيس الخبز اذا شقيته بدون تفك الربطه يسبب سرطان في الابط,والصابون اذا حطيته في فمك يسبب سرطان لثه

والله مليت

كل شي مسرطن كل شي ضار ..

يلعن ابليسكم اذا كل شي مسرطن وضار وشلون نعيش ..

حتى الحب قالوا يسبب سرطان للقلب..

والشطة الي فيها مادة سو بي كورا مي دقني دقني دقني دق دق دق !!!..مسرطنه

الحبحب الي يباع في عز الصيف مسرطن ..

الماء الي تشربه بعد الوجبه يسبب حول..

طيب ياخي غصيت وشلون ادف اللقمة ..

اموت الله يلعن ام الاشاعات..

لا والمصيبه اذا صار مصدر الاشاعة شركة تعال شوف..

شركة سنكرس تستخدم زيت الخنزير عشان تدعم اسرائيل!!!.

والله يا جماعه من كثر الخزعبلات تلخبططت الافكار..

الشماغ اذا لبسته والمرزام مقلوب يسبب سرطان في الاصبع الصغير من رجل شغالتكم(عشانها هي اليي تغسله)

بلد خربان..كله اشاعات

واي شي تلقاه عندك ومبسوط فيه يعقدونك فيه ويقولون يسبب مرض..

مثل عندك الخيار

تحبه ولذيذ والسلطه بدونه ولا شي .يطلع لك طلعه ويقول ان الخيار كبير الحجم يسبب سرطان قولون ولا معدة ولا اي شي يرفع ضغطك ..

الشي الثاني

مليت من الرسايل الدينيه المكذوبة ..

كلها احاديث مكذوبه ومصطنعه..

واخرتها يجي يقولك

قل هذي الجمله؟؟؟؟؟الان كسبت 398321 حسنه..

على كيف مين هي توزع حسنات ..

من انت اصلا توزع حسنات ؟؟

لا ويقولك انتبه لا يضحك عليك الشيطان ارسلها ..

انتبه تضغط دليت ترا اصل كلمت دليت



delete = devel



وتعني الشيطان

تلاحظ انا اول حرفين نفس الشي

de

Vوبدل.

L. بحرف

L يعني لا يضحك عليك الشيطان



Tوحرف

معناها تخسي اكرمكم الله 00 تضحك علي



وصدقوني انا كتبتها وبعد فترة بتجيكم اشاعة وان مخترع الكيبورد يهودي وحرام انك تطقطق علية !





الله يلعن ام الخزعبلات يا شيخ
انتبه انتبه ترا الشيطان واقف جنبك



ما درا ان الشيطان هو الي يضحك عليه وداق معسل جنبه ويقول قم غير لي جمر يا ؟؟؟ اجللكم الله

( تذكرت "بندر" و"علم" العامل حق القهوه )



والملاحظ ان مصدر هالخزعبلات الدينية هو صغار السن والجهله ..

والا الي هم في جهه والدين في جهه ثانية..

ما اقول ان انا كامل انا مثلكم بس ياخي قبل ما ترسل تاكد ان الاذكار يبغى لها تفكر وتامل واخلاص نية لله ..

موب قاعد تقول الاذكار ومحمد عبده يدهر معك ..

سامحوني كل الحكاية ان الكيل طفح.....

وعلى طاري الطفح ترا كثرة البربرة في النت تسبب طفح سرطاني
يعني بكره ولا بعده تسمعووووووون ات الاقتراب من اخوونا أخونا أحمد يسبب سرطان ههههههه عذرا أخي ابو حميد من باب الميانه
اسمحوا لي مادونت ونقلت من باب ماكثر تتداوله في هذه الايام
وتقبلوا خالص الامتنان على تداخلكم والنظر بما تجود به انفسكم
اخوووكم
ســـــــــــــــــــــــــــــــــــــلمان أبو ياســــــر

الله يحييك يالخثعمي

بالنسبه للاشاعات فلا تصدق الا اذا كان شاهدت بعينك او كان من مصدر موثوق

اما الرسائل الدينيه عالايميل فقل بها ديلييييييييييييييييييييت وافتك من اغلاطها والشك فيها وقد تكسب ذنوب بسبب ارسالها

اشكرك عالموضوع

ـههههههههههههـ
حلوه :51:
ترى كلامك هذا يسبب سرطان في الملعقه حقت الغداء:a9:
جزاك الله خير ماخلونا ناكل والا نشرب من هالإشاعات:hammer:
ولاتنسى تدق اللطمه وانت خارج من البيت
عشان الهوى فيه ذرات مسرطنه:hot:
اما رسايل انشر تؤجر حدث ولاحرج بدون علم
اشكركـ اخوي عالموضوع الرائع
لكـ
ودي ووردي

ارحب يالخثعمي

يارجال احسن شي انك تحذف ذا الرسايل اللي عالايميل

كل شوي تجيك فتاوي واشاعات

لا والبعض يستحلفك بالله ترسلها لكل اللي عندك

وما تدري بتكسب حسنات ولاسيئات

ولاتصدق ذا الاشاعات يمكنها مسرطنه<< ههههه

اشكرك عالموضووع

سلمان الخثعمي

لاهنت على طرحك الجميل والذي يحاكي واقعنا مما نراه ونقرأه في عالم النت
تتعدد الرسائل وتكثر الاشاعات ولكن كن حكيم نفسك
فبإمكانك معرفة صحة أي امر تشك فيه بمجرد كتابته في قوقل
فغالباً تجد الكثير من الحلول لما لبس لديك.

تقبل مروري وتعليقي على ماطرحته

ازعجتنا ذا الاشاعات واشكرك

أهلاً بأبناء العم

سلمكم الله وأبقاكم ذخراً لنا

شكراً لكم على مداخلاتكم الجميلة وأرآئكم النيرة لقد أثلجتم صدري بهذه الردود

لا عدمناكم

أخ،ـــوكم أبو ياســــر السلماني

كلش صاير مسرطن حتى هالمنتدى خخخخخخخخخ
صدقت والله اخوي اتعبونا بالاشاعات مدري نصدق والا نكذب
لاعدمناك

المشاركة الأصلية كتبت بواسطة عذراً على كبريائي

كلش صاير مسرطن حتى هالمنتدى خخخخخخخخخ
صدقت والله اخوي اتعبونا بالاشاعات مدري نصدق والا نكذب
لاعدمناك

صدقت ورب الكعبة كل شئ أصبح مسرطن

حتى الهواء

إنا لله وإنا إليه من الراجعون

لكـ أطيب المنى

واو ..واو..واو...زعلان بقوه:42:..
ماعليك ملامه...كلامك طالع من قلب
كله صدق وكله واقعي..ويمكن يسبب لي سرطان في القلب ههههههه..
يعطيك الف مليون تريليون عافيه..موضوع جدا جدا جدا رائع.