الطلاقة

الطلاقة
يرحم الله بطنٍ اضنا مطلقٍ قد اللوازم = حُرّ ما يسمح تبيح السالفه واطْلَبَك جابه

يعرف المغزى بعينك قبل تلغيه البلاعم = والشلي يرفع مقامه ما يقلِّل في جنابه

ينجز المطلب كذا من بعد ما جتْه العلايم = ما طلبته كيف لا مني طلبته في طلابه

المواقف تظهر الحر الندواي فالمواسم = ما يهد الا على كايد عِجِز عنها عقابه

ثم يغيب ويظهر إليا جابِتَه صيد الحوايم = يحتصيها في مخاليبه وتمْكنْها قضابه

والحديَّا من وانا ناشي على الجيفه تلايم = كل يوم اشوفها تنْعق على قشع وخرابه

مشيها تنقز تقول إضبيع وكراعه معاسم = ولا بغت تنفر تدهشر بين ربحان وكلابه

وريحها يفقع نخاعك كأنها كومة قمايم = والله إنه فرق بين الحر ذا شكله مهابه

وبين حديا وبوم وغرابٍ فصايلها رخايم = قوتها الفضله وجيف البر يكفيها هبابه

المواقف ما يفوز إبها الا صملين العزايم = تاتي قدر إعزومهم كنْها ضلاعين وهضابه

تكَبِّر المنكف وسبَّح لا تسندها المسالم = الطلاقه في وجيه اهل الطلاقه والرحابه

وجيههم تبشر بخير ولا لِحِقْ فيهم قسايم = ما تخاف وما تخوِّف روسها كنْها حرابه

في يديك إمهابةٍ وإليا دعا الداعي تقادم = تحتمي من خلف وتفجّ الهويِّن في كرابه

الحياه امزوح وضحوكٍ ويخلطها هلايم = وفي بعَض الاوقات تبغا جِدّ ما فيها دعابه

يعني لا صحنا نبي فزعه نبي فزعة الاوادم = فاللزوم إتسد لو ما حن بصدقان وقرابه

الشيم فالطيبين اقوى من إعروق المحارم = الصديق إحرص علاه اكثرمن اخوان العصابه

خص ذرب الحال فزاع المحيا والمهاجم = راس حربه فأول الفيلق عقيدٍ يعتزابه

التجارب خير من دكتور في علاجه مياسم = تكفلك قبل الخطا ما ياتي وتونس عذابه

المواقف تظهر الحر الندواي فالمواسم = ما يهد الا على كايد عِجِز عنها عقابه

قصيده كبيره ورائعه
وليست غريبه عليك يابوهديل

صح لسانكـ يادماوي

الشيم فالطيبين اقوى من إعروق المحارم = الصديق إحرص علاه اكثرمن اخوان العصابه

خص ذرب الحال فزاع المحيا والمهاجم = راس حربه فأول الفيلق عقيدٍ يعتزابه

التجارب خير من دكتور في علاجه مياسم = تكفلك قبل الخطا ما ياتي وتونس عذابه



صح الله الساان يا بو هديل
مليوووون

ابدعت بيض الله وجهك
جديدك مطلب للرقي بمحور الشعر

دمت متألقا اخي العزيز

أبو هديل

الإبداع ليس غريب من اهله

رائعه من رائع .......

صح الله لسآنك ,,

ع جمآل هذي القصيدهـ

لك التحآيآ وأعذب تقدير



أميرة الورد

صح لســـــــــــــــــــــــــانكـ
رائع ماطرحت لنــأ

بيض الله وجهك على هذي القصيده وهذ ليس
بغرين عليك فأنت شاعر مبدع دئمآ

تقبل تحياتي

نسيت لا ارد على الربع المعذرة

الاخ فيصل الساهري نائبنا الغالي

صح إبدنك وانا خوك

وحضورك شرف والله لا يهينك

تحياتي ودمت سالما

دماوي حيل لك مني التحيه والتقدير والأعجاب

بهذه الأبيات الرائعه من شاعر رائع

وقصايده وافيه ومجمله

مع تحيات اخوك زهير بن حمدان

شيهان شمران

حضورك شرف يامشرفنا الغالي

وصحة ابدانك طال عمرك

واتمنى ان تكون قصايدي خفيفة الظل

ودمت سالما وغانما

تحياتي