10-17-2022, 06:46 AM
|
#1 |
|
مساعد للمدير العام ومستشار للمنتدى
 |
يحول أشول الحق جتني طروشه
آخر قصيدة قالها الشاعر مرشد البذال وهو في المستشفى
يحول أشول الحق جتني طروشه جتني مطاليبه وانا عنه منحاش اليوم كن بداخل الصدر هوشه مثل اختراش الريم في داخل الجاش يالله عسى عطفك ولطفك نحوشه يالله بحسن الخاتمه عند الاقراش دنياك لو تعطيك زين المعوشه تالي سوالفها تعود على ماش ياما خذينا بأول العمر شوشه وياما مشينا في مظاهير وأدباش في خايعٍ وبل الثريا رشوشه نجن الزبيدي في صحاصيح ودشاش وياما جلسنا مع مرودع نقوشه في سهلةٍ ماحدرنا زل وفراش في وسط روضٍ مخضراتٍ خفوشه نبته جديد ومبعدينٍ عن الطاش نبنوب لا خبله ولا أهي مخروشه عنق الفريد ان ذيره زول حشاش قامت تخاطبني بنفسٍ هشوشه بس الكلام وعرضه أبيض من الشاش بسرار في وسط القلوب مخشوشه بين الثنين ولا درى عنهن الواش ربعة وفا ولا السلب ماننوشه ماني لوجه معذب الحب خماش واليوم مالي مع هل الصيد نوشه عطيتها غيري بلاسوم ببلاش عند الطبيب وصار عندي وحوشه ومن الإقامة صابني خوف وخراش ذالحين شفني جالسٍ عقب دوشه أصلب عضاي وكن بالجسم هشهاش خليت ديواني ومجلاس حوشه عقب المعزة ساكنٍ دار الإنعاش والنفس ضاقت عقب ماهي بشوشه مثل المقيم اللي على نو مطراش |
|
|
|
10-17-2022, 01:47 PM
|
#2 | ||
|
أداريه سابقه ومراقبة عامه للمنتديات
|
رد: يحول أشول الحق جتني طروشه
شكرا على القصيدة الرائعه
تسلم الايادي الغالية وجزاك الله خيرا 
|
||
|
|
|
10-18-2022, 10:13 PM
|
#3 | |
|
مساعد للمدير العام ومستشار للمنتدى
|
رد: يحول أشول الحق جتني طروشه
اقتباس:
هلا وغلا وسلة حلا بالاخت الغاليه ريحانه شمران أشكرك جزيل الشكر لتعقيبك لك مني كل التحايا والتقدير لاعدمتك |
|
|
|
|
|
11-29-2022, 10:20 PM
|
#4 | ||
|
المدير العام لمنتديات قبائل شمران الرسمية
|
رد: يحول أشول الحق جتني طروشه
أخي العزيز الحمدان شكرا لك على هذه التواجد الفعال والمشاركات النافعه والمفيده فبارك الله فيك وجزاك الله خير
|
||
|
|
|
 |
|
|
العرض العادي
