نحلم ونحقق🍁

نحلم ونحقق

مبروك بن ماضي

نحلم ولى منا حلمنا نحقق

وحنا لنا همه شعب تشبه طويق

حنا شعب شامخ يحب التفوق

ونحيا بامل محدن لاحلامنا يعيق

للرؤية العظمى نطير ونحلق

بهمة محمد والرجال المطاليق

محمد بن سلمان رمز التالق

له رؤيتن فيها عزيمه وتشويق

واجب علينا كلنا له نصفق

اللي سكن حبه بوسط المعاليق

نجعل من الا شي ن اشياء ونخلق

افكار ونحلق برؤيته تحليق

حيو الامير اللي بخطواته نثق

وكل الولاء له مع عهود ومواثيق

قايد وله تاريخ بالمجد مشرق

مجد السعود اللي مايحتاج تعليق

قادة وطن حكموه بالشرع والحق

تشهد لهم بالطيب كل المخاليق