ارتاح ياقلبي من اللي تعانيه

ارتاح ياقلبي من اللي تعانيه
ترى الليالي لو بدت لك قصيره

خل الفرح دايم خويٍ تباريه
وماقدر الله فيه خيرٍ وخيره

ولايشحنك من يكثرون المشاريه
اهل الوجيه الخايبه والحقيره

اطيبهم اللي باذر الحقد يخفيه
يمشي معك فتره ويعكس مسيره

يضحك بوجهك والردا بين جنبيه
والله علم في نيته والسريره

اليا عرفت النذل حذرى تخاويه
سمه اشد من الحيايا الخطيره

مافيه مثل اللي توده وتغليه
وافي معك فالكايده والعسيره

ياخذ حقوقه وان بدا الحق يعطيه
من دون وجهه مافكر وش مصيره

هذا الخوي اللي اعده وشاريه
وخوته اخير من الجموع الغفيره

مغنيني الله مثل ما الله مغنيه
بكسب المراجل والعلوم السفيره

ويالله ياللي كلنا نلتجي فيه
انك تعين القلب وانك تجيره

سلطان بن بجاد

شكرا على الموضوع وحسن المتابعة
جزاك الله خيرا
وتحياتي لك

المشاركة الأصلية كتبت بواسطة ريحانة شمران

شكرا على الموضوع وحسن المتابعة
جزاك الله خيرا
وتحياتي لك

اهلين بالغالية
ريحانه شمران
اشكرك جزيل الشكر لتعقيبك المميز
لك مني أجمل تحيه وتقدير لاعدمتك