أودعـــك يـا بــدرٍ/ للشاعر حمد المغيولي

أودعـــك يـا بــدرٍ



سلامه العبدالله

الشاعر حمد بن عبدالرحمن المغيولي -رحمه الله- شاعر نظم وشعر رد لا يشق له غبار امتاز شعره الغزلي بعذوبة الكلمات وصدق المشاعر وجمال الأحاسيس، تعاون كثيرًا مع الفنان سلامة العبدالله -رحمه الله- ومن أجمل تعاون جمعهم أغنية (أودعك يا بدرٍ)



تقول القصيدة:

أودعك يا بدرٍ ظهر له زمان وغاب

أودعك يوم أبعدت نورك عن الديره

أودعك يابدرٍ سرى والهوى ماطاب

عليه العيون الدمع جرح معابيره

أودعك لأجل الحب مع نورك الجذاب

هويته وحبيته ولا شاقني غيره

وداعتك روحي يوم جابه لك الجلاب

جلبها الغلا والحب هذي تدابيره

ترى البعد ما يمحى غلا من رماني وصاب

رماني بسهمٍ قاتلٍ يالله الخيره

ضربني ودم القلب ينزف من المضراب

وذا مكسبي زودٍ على الذعر والذيره

ألا ياعيوني والله إنك من الأسباب

كسبتن لقلبي جاهلٍ ماحسن السيره

تصبرت لين الصبر بيح خفاي وذاب

عليكم من الله راعوا الحق والجيره

قضى العمر منكم ما حصلي فرح وإعجاب

ولا صاحلي غير التعب منك ياميره

أميرة جمال الحسن تخضع لك الأرقاب

عذاب العيون الهايمه حد أزاريره

ألا ياهلي حطوا لقلبي حجا وكتاب

إلى صار شف النفس شره طمس خيره





1 حمد المغيولي