ياصاحبي واللي رفع فوقنا سقف

ياصاحبي واللي رفع فوقنا سقف
وانزل تحت رجليك سبعا برؤكي

ماعاد لي خاطر ولا عاد لي شف
بقضي حياتي بين حسمى وتبوكي

يطربني المسرا ورا بارق يرف
ويعجبني المطنوخ قرما دكوكي

نفسي عزيزه تكره الكذب و اللف
و ما حيد عن مبداي وايضاً سلوكي

صحيح فيني جرح دامي ولاخف
ساطي بوسط الجوف يابن الملوكي

باسباب غرواً تل روحي ولا عف
ما خاف ربه واتعبته الشكوكي

حالي تردى و عيشتي دف في دف
واقفى يجر القلب بسلوك شوكي

نهيت قلبي عن هواء البيض ماكف
عيا يطيع و طاح وسط الشروكي

ودعته الله واسود الليل ما انصف
عاشق عليل وقلب ميت ضحوكي

كانت حديقة ورد من زهرها اقطف
ياما نظمت القاف فيها محبوكي

و حبر القلم في بيض الاوراق ماجف
اخر قصيده توها بوسط بوكي

حابس العطوي