اخوي طاب الكيف له والتعاليل

اخـوي طـاب الكـيـف لــه والتعالـيـل
صــدره وسـيـع ولا تجـيـه الهمـومـي

لا واهنـيّـه لـــه شْـبــوح ومـراسـيـل
وانـا شْبوحـي مــا تجـيـب العلـومـي

الـبــدو شـالــوا نـوّهــوا بالمـراحـيـل
وكـل رِكَـض للـزمِـل شِــلاّه تـومـي

حَـدٍ يِـخِـمّ العِـلْـق يِخْطـيـه و يشـيـل
وْحَــدٍ تِقَـلّـل مــا بِـقـي لــه لِـزومــي

شـالـوا وقـفّــن الظـعـايـن زعـاجـيـل
شَـفّـوا وْهَـفّـوا واتّـقــوا بالـحـزومـي

وانـا بمرقـاب الشقـا عيـنـي اتخـيـل
فـي راس مرقـاب ٍ طويـل الرجـومـي

أخـايـل الاظـعــان واقـفــت مقـابـيـلا
ستقبلـن ظـعـون زاهــى الرقـومـي

وايّسـت مـن دعّـاج الاعيـان بالمـيـل
ولا لي على نابـي الردايـف سلومـي

واهَجِرْ قلبي كـان هـو طـاول الطيـل
عــز الله انــي مهـجـلٍ كـــل يـومــي

هْجـال مـن تاهـت عـن الـذود بالليـل
مـا بـيـن ســرح لــوارد الـجـو تـومـي

الـولـف بـلـوى بــه هـبـال وهرافـيـل
لـولا الحيـا راعـيـه يـرمـى الهـدومـي

يــا لايـمـي جعـلـه بحـسـر وغرابـيـلا
لله يــبــلا بـالـبــلا مـــــن يـلــومــي

عـسـاه بالـدنـيـا قـلـيـل المحـاصـيـل
وبالآخـره يسقـى حميـم وسمـومـي

وجـدي عليهـا وجـد مـن لـه مواحـيـل
حيـل ٍ وخلفـات ٍ تــدوس الوسـومـي

وعشـايـر ٍ شِـقْـح ٍ ْتـــلاد ومخـالـيـل
ومعهن علـى شقـران فِلْـوٍ قحومـي

سِبِّـر لعجـمـان ٍ عـلـى كِـنّـس ٍ حـيـل
شيـب المتـون عيونهـن تقـل لـومـي

كــل ابـلـج ٍ ضــار ٍ بكـسـب التنافـيـل
ضرمـا يبـون المـال مــا فـيـه لـومـي

وغـارت عليـه القـوم خيـل ورجاجيـل
وطبّـح علـى فِلْـو ٍ حَشُـور ٍ عَـزومي

واقفى يرادي به عن الخيـل حِلْحيـل
شَـذْر ٍ حَـذِرْ تـالـي شْـيـوخ ٍ قْـرومـي

واقفت علـى ذوده عصـاة ٍ مشاكيـلْ
وكِـلًّ ً علـى حَقَّـه شِحـوح ٍ بِحـومـي

وصلّـه و خــلاّ الـعـج مـثـل المخايـيـل
عـج الـرمـك والـبـل مـثـل الغيـومـي

يبـي يـداري هـرجـة الـقـول والقـيـلأ
حـضـر حـيـاه ولا بنفـسـه وْهـومــي

وطبّـح لـه اللـي ضــاريٍ بالمحـاويـل
وثـارت إلـى ان حْـذاه مثـل النجومـي

واقفـى مْـذِلًّ مــع دكــاك الغرامـيـل
يـفـرك يـديــه ومـــر كـبــده يـزومــي

عقـب السعـد والعـز والبـن والهيـل
وكـبـش ٍ مْرَبّيـنـه لـكـل محشـومـي

اليـوم يسهـر كــل مــا جَـرْهَـد اللـيـل
ودايم على غيضه صنـوت ٍ كضومـي

هـذا وجـودي وجـد مـن لـه مواحـيـل
من عقب ما هي ذود صارت قْسومي

أو وجد من صدّر علـى اربـع محاحيـل
لـهـا لـيـا غــاب الرقـيـب معـلـومـي

صــدّر عـلـى اربعمـايـة ٍ كلـهـا كـيــل
حـبًّ حمـر تسـقـي نواحـيـه كـومـي

اربــع عقايبـهـا اربــع ٍ كِـنّـس ٍ حـيــل
ويشيلن المـا فـي وسـاع الكمومـي

يوم استتـم الـزرع شـال النمـا شيـل
نِـشَّـت بـردهـا كـبـر روس البهـومـي

وهلّت على وصط المفالـي هماليـل
وصارت على روس النواحي رجومي

واللّي بقى من حبّهـا شالـه السيـل
غثـو السبـل بالسيـل مثـل الهدومـي

واصبح يصيـح ويزعـج الويـل بالويـل
عـن نـول مـا نـالـت يـديـه محـرومـي

الله يـكـفـيـنـا شـــــرور الـمـخـايـيــلا
لا عطـا الرحمـه كـمـا انّــه رحـومـي

مــا قلتـهـا بالـلّـي تـعـرف التـهـاويـل
ولا هي مـن اللّـي يجمعـن العلومـي


سويلم العلي النويصر السهلي