تجارب الدنيا جديده و درّاس 🍃🌾

تجارب الدنيا جديده و درّاس

تجارب الدنيا جديده و درّاس

و لا تحسب التالين مثل الاوايل

بالصبر و الحكمه و في قوة الباس

و الله جعل خلقه شعوب و قبايل

و من عاش شاف اشكال و الوان و اجناس

تمر قدامه جميع الفصايل

و لحدٍ خبر ساس الذهب عوّد نحاس

يا لابسٍ ثوب الوفاء للتحايل

من واقعٍ عشته من شعور و إحساس

احذر من اللي يدعون الجمايل

و الخوه اللي ماهي معرّبة ساس

جرفٍ اليا حركت جاله تهايل

لا عاد ماهي للمطاليق نبراس

ركّز نصايبها بروس النثايل

و اعتاض فيها خوةٍ تجلي الباس

خوة مثبت حجته بالدلايل

صميدع ماهوب ينكس مع نكاس

مكانته بين السما و المخايل

مأثر جدوده على قب الافراس

اللي يروون الغلب و السلايل

معرفته رفعه و طوله و نوماس

غير الوفا و الطيب وافي خصايل

يا ملقّح الهقوه ولك طلع قرناس

لا تنصدم لا جات هقوتك حايل

يا كثر ما خان الحيا رمع عساس

و عوّد و في صدره تفوح القوايل

‏اثر الشـدايـد تكشـف الناس للناس

‏ويبيـن فيها اهل الحكي والصمايل

‏كـم واحدٍ وقـت الرخا تحسبـه راس

‏ولا هبّـتـه هـــوج العــواصف تمايل

للشاعر/ نهار ممدوح

بارك الله فيك على الطرح الرائع
إستمر ولك التوفيق بـإذن الله
ونفعا الله وإياك بما تقدمه

تقديري وإحترامي

جزاك الله خير

وبارك الله فيك على ما قدمت

شكرا لك

مشاركة رائعه تسلم يدااااك
والله يعطيك العافية
دمتم بخير

شكرا على الطرح الرائع
ماننحرم من جديدك المميز
خالص تقديري لك

أج ــمل وأرق باقات ورودى
لردكم الجميل ومروركم العطر
تــ ح ــياتيـ لكم
كل الود والتقدير

دمتم برضى من الرح ــمن