الخواطر والقصص والروايات يهتم بالخواطر والقصص والنثر التي من نزف الأعضاء |
|
أدوات الموضوع | إبحث في الموضوع | انواع عرض الموضوع |
|
02-28-2008, 02:32 AM | #1 |
|
بيت شعر مضحك
القصيده: 1- سبحان من يرزق بتوع الملاييـن الرازق اللي ما يخيب الرجـا بـه- 2- لي عم عنده معـرضٍ للصواليـن أموت واعرف بس من وين جابـه - 3- وإذا سألته قـال بعـت الدكاكيـن ما يدري إني ما هضمت الإجابـه - 4- الشاهد إني رحت له قبـل يوميـن في قصره العامـر ودقيـت بابـه - 5- قال ارحب ارحب عدّ ورد البساتين يا مرحبا باللـي لفـا يـا هلابـه - 6- قلت البقا عـدّ النفـل والرياحيـن يا شيخ شمل اهل الكرم والذرابـه- 7- قال اسلم الله يحفظك لي من العين وآمر أوامر حضرتـك مستجابـه - 8- قلت الصراحة طالبٍ قرب غاليـن ودي تزوجنـي كريمتـك يـابـه- 9- ثنّى وقال اهليـن والله وسهليـن والكون ترخص لجل عينك رقابـه - 10- لكن ترا عندي شـروط وقوانيـن قلت اشرط اشرط يا حبيب الغلابـه - 11- قال أولاً مهر العروسـة ثمانيـن غير الرسوم وغير حق العصابـه - 12- والثانية عمك يبي منـك سبعيـن رسم الأبـوّة والنسـب والقرابـه- 13- وام العروسة حقها منـك ستيـن عشانها ست الحسـن والمهابـه - 14- واخوانها كلن يبي منـك خمسيـن عداً ونقـداً تنـدرج فـي حسابـه- 15- وخواتها الخمس اعطهن من ثلاثين عشان تتوثـق عـروق النسابـه - 16- وتجيب طقم عيار واحد وعشريـن وخاتم من الماس المصفى ترابـه- 17- واكياس متروسة كعوب وفساتيـن ألوانهـا واشكالهـا مـا تشابـه - 18- وموتر بسواقـه وفيـلا بدوريـن أثاثهـا مـن بطرتـه ينحكـابـه - 19- واحجز لنا قاعة بقصر السلاطيـن واحجز بهـا رقاصتيـن وربابـه - 20- وامنع دخول اهل اللحى والبزارين واعزم أميـر المنطقـة بالنيابـه - 21- هذي الشروط اللي على بالي الحين وذكرني اللي ما حسبنـا حسابـه - 22- قلت اذكر الله يا عـدو المساكيـن واستغفـره لا يبتلـيـك بعـذابـه - 23- الظاهر إنك منت عارف أنا ميـن أنا لو ارقا فـوق متـن السحابـه - 24- ما جبت حتى نص درزن مواعيـن واضحك بكيفك واعتبرهـا دعابـه- 25- شروطكم هذي شـروط المجانيـن شروطكم شغـل ابتـزاز ونهابـه - 26- شروطكم تقصم ظهـور البعاريـن شروطكـم همّـن وغـم وكآبـه - 27- شروطكم والله سيوف وسكاكيـن تذبح بنات المجتمع مـع شبابـه - 28- وين الرضا والعطف واليسر واللين اللي ذكرهـا الله بمحكـم كتابـه- 29- وين الصفات اللي أمرنا بها الديـن وين اختفى نهج النبي والصحابـه - 30- يا عم جعل اللي خلقنا من الطيـن يرد عقلك مـن خطـاه لصوابـه - 31- ويجعل نصيبي عند غيرك قل آمين ويحسن عزا الصابر ويجزل ثوابه - 32- قال انت لو فكرت تفكير صاحيـن ما شفت في مجمل شروطي غرابه - 33- حنا بعصـر العولمـة والمزاييـن ماهوب عصر الفلسفة والخطابـه - 34- الناس تسعى للرتـب والنياشيـن وانت اهتمامك بالشعـر والكتابـه- 35- والشعر ما ينفعك لو هو دواويـن ما دام جيبك مثـل بيـت الخرابـه - 36- يا بوك لا تسمع كلام المصاخيـن واسأل مجرب عاش في وسط غابه - 37- قلت الله اكبر يا محـرر فلسطيـن من يسمعك يحسبك ذيـب الذيابـه- 38- تراك شايب راس مالـك رياليـن والبنت ما تسوى جنـاح الذبابـه - 39- قال انقلع مالت على وجهك الشين لا عاد اشوفـك عندنـا يالزلابـه - 40- قلت ابشر ابشر لكن الباب من وين واقفيت من عنده على صوت بابـه- منقول |
02-28-2008, 02:39 AM | #2 |
مشرف سابق
|
والله جميييل ياخوي.....
يعطيك 999.999عافيه على هالموضوع الرائع والأكثر من رائع.... تقبل مروري........ |
02-28-2008, 10:06 AM | #4 |
عضو مؤسس
|
هههههههههههههه
الله يعطيك العافية على هذه القصيدة القصة خربوها بدال ما يصلحونها بينهم هههههههههههههههه تسلم يالغالي تحياتي واحترامي |
02-28-2008, 12:57 PM | #7 |
|
ميه ميه اخي هشبول والله لا يبلانا بعم زيّه..
بس لي ملاحظه غيّر العنوان بدل بيت الى قصيده.. اشكرك على نقلك الرائع والاختيار الجميل وتقبل مروري |
02-28-2008, 04:18 PM | #9 |
|
37- قلت الله اكبر يا محـرر فلسطيـن
من يسمعك يحسبك ذيـب الذيابـه- 38- تراك شايب راس مالـك رياليـن والبنت ما تسوى جنـاح الذبابـه - 39- قال انقلع مالت على وجهك الشين لا عاد اشوفـك عندنـا يالزلابـه ههههههه قصيده جميله جدا اضحكتنا اضحك الله سنك |
02-28-2008, 04:34 PM | #10 |
مؤسس وعضو المجلس الإداري الأعلى
|
40- قلت ابشر ابشر لكن الباب من وين
واقفيت من عنده على صوت بابـه- جميل جدا مانقلت 0 |
|
|
المواضيع المتشابهه | ||||
الموضوع | كاتب الموضوع | المنتدى | الردود | آخر مشاركة |
تدرون متى أضحك من قلبي ؟ | عآشقة شمّران | الضحك والفرفشة | 5 | 12-11-2013 01:50 PM |
أضحك من قلب | حـــامـــد | الضحك والفرفشة | 16 | 05-07-2011 10:48 PM |
أضحك مع بطولات العالمي | ابو ريناد | الرياضة والرياضيين | 9 | 11-21-2010 02:05 PM |
موقف مضحك | ابويزن | الضحك والفرفشة | 8 | 10-19-2009 11:26 PM |
مضحك جدا | hashbool55 | الصور والمناظر الطبيعية ومقاطع الفيديو | 8 | 02-15-2009 10:59 PM |