ياللي تبي تعرف اسراري وعنواني

ياللي تبي تعرف اسراري وعنواني
الحزن والضيق واللوعه عناويني

وان كان من جد يا بن الناس تبغاني
في كل لمة حزن يمكن تلاقيني

يكتبني الضيق واللوعات تقراني
والناي من شرهة احزاني يغنيني

أجامل الصبر والايام تعصاني
بالله قلي وش اللي معجبك فيني

فقير يوم ان عز النفس ما غناني
كم قلت للفقر عز النفس مغنيني

كم واحدن ما شتمته لجل ما عطاني
وكم واحدن ما مدحته لجل يعطيني

يقلقني الذنب لامنه تغشاني
يالله من الذنب والغفله تنجيني

مافيه صوتن يخفف عني احزاني
الا ابن شريم لأأأأأم المصليني

ما هو بدايم يصير لساني حصاني
كم زلة(ن) من لساني صدق تشقيني

من صغر سني وانا هالحزن يبراني
واليوم عمري تعدنه ثلاثيني

صحيح ماني بمثل ابوي واخواني
رغم ان هقوات نفسي نوب تغويني

ما مد كفي لكفن ما تمناني
ولاسج رجلي بدربن ما يوديني

ما كذب لاكن اتجمل بعض الاحياني
يوم ان ها الكذب صاير شي روتيني

في ظروف ازرف عزيزن ما تناساني
وفي ظروف ادور مزرفني وناسيني

اعرف نبض الجفا في وجيه عدواني
واعرف نبض الغلا في اللي مواليني

والطعنه اللي تجي من صوب صدقاني
اقسى من الطعنه اللي من عدويني

كم مرتن مات دمعي داخل اجفاني
وكم مرتن اتفه الاسباب تبكيني

كذاب لو قلت شعري يوم ما شقاني
احيان يسرق منامي من جفن عيني

اكتب قصيدي عشان عيون خلاني
ومرات اجامل عشان ارضى محبيني

هذا اعترافي وانا ماني بندماني
ممكن ابصم او التوقيع يكفيني


الشاعر : على الريض العزيزي المطيري

أجامل الصبر والايام تعصاني
بالله قلي وش اللي معجبك فيني


ههههههههههههههههههههههه
بتعرف انه هذا البيتين ضحكوني وكثير يمكن شفت فيهم حالي



تسلم يداااك اخي الحمدان وماننحرم من وجودك معنا

المشاركة الأصلية كتبت بواسطة ريحانة الطيب

أجامل الصبر والايام تعصاني
بالله قلي وش اللي معجبك فيني


ههههههههههههههههههههههه
بتعرف انه هذا البيتين ضحكوني وكثير يمكن شفت فيهم حالي



تسلم يداااك اخي الحمدان وماننحرم من وجودك معنا

ياااااساتر يارب
ليش كذا عزيزتي ريحانة الطيب
انتي رائعه وكاتبه جميله
وتملكين موهبه وقلم ذهبي
لالالالا والف لا....
انفضي غبار التهيآت الغير ايجابيه
(واثق الخطوة يمشي ملكا)
اتمنا لك التوفيق دائما وابدا
تفائلي بالخير تجديه

اخي الغالي الحمدان
ألف شكر لكَ على هذه القصيدة
إنـجاز أكثر من رائــــــع
لكن أرجو منكَ عدم التوقف عند هذا الحد
مـنتظرين ابداعتــــــك دائما
دمتـ ودام تألقـك
تحياتــي

هلا وغلا بالجواهر
شرفتو متصفحي بتعقيبكم
لكم مني أجمل التحايا واطيبها

شكرا على المشاركة القيمة
تسلم الايادي
والله يعطيك العافيه

المشاركة الأصلية كتبت بواسطة شمرانية الروح

شكرا على المشاركة القيمة
تسلم الايادي
والله يعطيك العافيه

أهلاً وسهلاً بالاخت بالغاليه
شمرانيه الروح
أشكرك لتعقيبك وتواجدك بمتصفحي
لك مني أجمل تحيه وتقدير لاعدمتك

اخي الغالي والعزيز
الحمدان
شكرا لك على هذا التواجد الفعال
والمشاركات النافعه والمفيده
بارك الله فيك وجزاك الله خير

المشاركة الأصلية كتبت بواسطة حسن بن عبدالله

اخي الغالي والعزيز
الحمدان
شكرا لك على هذا التواجد الفعال
والمشاركات النافعه والمفيده
بارك الله فيك وجزاك الله خير

أخي الغالي ومديرنا الرائع
ابو حوفان
أشكرك لتعقيبك الرائع
وتواجدك المستمر بمتصفحي
لك مني أجمل تحيه وتقدير لاعدمتك