لاشفت دلو فيه فتقٍ وشقّا

من القصائد النادرة الجميلة
للشاعر/ محمد بن عبيد البلوي
رحمه الله
"يوصي إبنه عبيد"

لاشفت دلو فيه فتقٍ وشقّا .
إعرف ترى الماء مايجي وافيٍ فيه

‏ولاشفت حبل السانية فيه دقّا .
إخْذْ الحذر من قبل تِقْطَع مثانيه

ولا أوْحَيْت جرحٍ بالمعاليق لقّا .
إعْرِف ترى ماعاد ينفع تداويه

‏والجرح لا مِنّه بسمٍّ تسقّا .
حَمّ الحديد الصلب بالنار وإكويه

والظلم لو إنّه لبس ثوب حقّا .
لابد مايخلع ثيابٍ تغطيه

‏ومن طق باب الناس بابه يطقّا .
فـي خيـر ولاّ شرّ ربه يجازيه

وماصابكم ما أخطاك مهما توقّا .
وما أخطاك ما صابك ولو صاب راميه

‏وعن لازمٍ يَلْزَمْك حرصك تتقّا .
لاخير فـي رجلٍ يخلِّي عوانيه

وفي عشرة الانذال حرصك تهقّا .
كم واحدٍ بالنذل خابت هقاويه

‏وحرصك ورى المقفي تصيح وتنقّا .
من باعكم بالرخص بيعه بغاليه

ووسط المجالس لا تهرج وتلقّا .
أصمت ترى إن الصمت ميزة لراعيه

‏وليا هرجت إهرج بلطفٍ ورقّا .
وأفصح لسانك لاتجي لكنةٍ فيه

إنّ أنكر الأصوات صوت النهقّا .
وفم الرجل واحد وثنتين أذانيه

‏بعض العرب بالوزن مايازن إقّا .
لكن بفعل الطيب تندا أياديه

وبعض العرب دمه كما دم بقّا .
دمه ثقيل وبارداتٍ علابيه

‏وبعض العرب مثل الذهب له تشقّا .
إتعب على الطيِّب لياما تلاقيه

ياعبيد هذا وإعرف اللي تبقّا .
حق الجوار وضيفكم لا تخليه

‏هذا كلام أبوك قولٍ منقّا .
قولٍ قليل وزبدة الهرج تكفيه

لولاي ما أكتب بالقلم عالورقّا .
وأملي هواجس خاطري يوم تطريه

شبّ الحشا في داخلي وإحترقّا .
لكن بيوت الشعر لا شبّ تطفيه

وصلاة ربي عد ما النور شقّا .
على نبيٍ تمم الله مساعيه

ا

اخي الغالي الحمدان

لاشفت دلو فيه فتقٍ وشقّا .
إعرف ترى الماء مايجي وافيٍ فيه

والله هذا البيتين جات بمحلها
تسلم على القصيدة الرائعة
الكلام فيها كله موزون
لك كل التقدير والود

المشاركة الأصلية كتبت بواسطة ريحانة الطيب

ا

اخي الغالي الحمدان

لاشفت دلو فيه فتقٍ وشقّا .
إعرف ترى الماء مايجي وافيٍ فيه

والله هذا البيتين جات بمحلها
تسلم على القصيدة الرائعة
الكلام فيها كله موزون
لك كل التقدير والود

تسلم اخي الغالي الحمدان على القصيدة
اختيار جميل
والله يعطيكم العافية

شكرا على القصيدة القيمة اخي الغالي الحمدان
جزاك الله خيرا

بارك الله فيك على القصيدة

وجعل ما تقدمه من موضوعات

في ميزان حسناتك

دمت بخير .. اللهم آمين

اهلا بكم جميعاً
شرفتوني بتواجدكم
بمتصفحي
لكم مني أجمل التحايا واطيبها