غريـب دار وشوقتنـي بـلادي

غريـب دار وشوقتنـي بـلادي
الله يرجعنـي لهـا بالسـلامـه

هيه هوى بالي وغايـة مـرادي
هي المحبـة والوفـا والشهامـه

شوقي هواي ادواي بلسم فـوادي
في نجد في أبها في الشفا في تهامه

شمالهـا وجنوبهـا فـرع وادي
غربيهـا شرقيهـا خـد شامـه

بقيت سعوديـه ولقيـت رشـادي
وجناتها تضحك بـدون ابتسامـه

لبست من الشيمه حليـاً جـدادي
عريت وبريت من ثياب الندامـه

يافاتنه باسمك اجـاوب وانـادي
لبست لك ثوب الفـرح والعمامـه

مفتون فيك وكل مااخفيت بـادي
لامن يلوم ولاني اسمـه ملامـه

وانا اعرفك وافهمك جيد وجوادي
قـداً وتفصيـلاً وهامـه وقامـه

يامن ظهر فوق البشر منك هادي
وابطال اعطوا للملاحـم لحامـه

مهما هرج فيك الحسود المعـادي
ماينفعه غير التعب مـن كلامـه

مايقطر القطران عنبـر وكـادي
ولاينجب الشيهان فرخ الحمامـه

معمـورة مشهـورة بالجهـادي
ماضي وحاضر فارقه ياعلامـه

وانا سعودي من سلالـة جـدادي
وظهر الجمل ماينفصل عن سنامه

الا مقطـع بالرهـاف الحـدادي
الله حسيب الكـون يـوم القيامـه

عبدالله المسعودي